- Подробности
- Категория: Jamiyatdagi
- Просмотров: 380
Кармана тумани ҳокими Ф.С.Умаровнинг Ўзбекистон Қуролли Кучларининг 29 йиллиги ҳамда“Ватан ҳимоячилари куни” билан байрам ТАБРИГИ
Ассалому алайкум, азиз дўстлар!
Ҳурматли аскар ва сержантлар, офицер ҳамда Қуролли Кучларимиз фахрийлари, қадрли тумандошлар!
Шу кунларда барчамиз яна бир қутлуғ сана – Қуролли Кучларимизнинг 29 йиллиги ҳамда “Ватан ҳимоячилари куни”ни кўтаринки кайфият, улкан ютуқлар, эзгу ниятлар билан қарши олмоқдамиз.
Фурсатдан фойдаланиб, барча ҳарбий хизматчилар, аскар ва сержантлар, зобит ва Қуролли Кучларимиз фахрийларини ҳамда уларнинг оила аъзоларини ушбу қутлуғ байрам "14 январь — Ватан ҳимоячилари куни" умумхалқ байрами билан чин қалбимдан самимий табриклайман.
Қадрли юртдошлар!
Муҳтарам Президентимиз, Ўзбекистон Республикаси Қуролли Кучлари Олий Бош қўмондони Шавкат Миромонович Мирзиёевнинг яқинда Жиззах вилоятидаги ҳарбий қисмларга ташрифи чоғида “Бугунги Қуролли Кучларимиз беш йил олдинги армия эмас. Мудофаа доктринамиз бўйича қилинган ишлар натижасида миллий армиямизнинг салоҳияти ҳар томонлама ўсишга эришди” дея айтган сўзлари азиз аскар ва зобитлар, Қуролли Кучларимиз вакилларининг юртимиз мустақиллигини мустаҳкамлашда, сарҳадларимиз даҳлсизлигини, тинч ва фаровон ҳаётимизни ҳимоя қилишдаги ҳиссаларига берилган юксак эътироф дея билиб, юрт ҳимоячилари фаолиятининг нақадар шарафли эканлигини англаб, қалбимизга уларга нисбатан чексиз ҳурмат жўш уради.
- Подробности
- Категория: Jamiyatdagi
- Просмотров: 382
Туман Кенгашининг XXI сессияси
Бугун Кармана туман ҳокимлигида Халқ депутатлари туман Кенгашининг йигирма биринчи сессияси бўлиб ўтди.
Сессияга Халқ депутатлари туман Кенгаши раиси Ф.Умаров раислик қилди.
Сессия котиби этиб, 4-Пахтаобод сайлов округидан туман Кенгаши депутати Ю.Ярқулова сайланди.
Депутатлар сессия кун тартиби ва регламентини тасдиқладилар.
Кун тартибидаги биринчи ва иккинчи масалалар, яъни Ўзбекистон Республикаси Президенти Ш.М.Мирзиёевнинг 2020 йил 29 декабрь куни Олий Мажлисга йўллаган Мурожаатномаси мазмун-моҳиятини тарғиб этиш ва белгилаб берилган устувор вазифалардан келиб чиққан ҳолда ҳудудий дастурларни ишлаб чиқиш ҳамда Ўзбекистон Республикаси Президентининг 2019 йил 8 январдаги “Ҳудудларни комплекс ижтимоий-иқтисодий ривожлантириш бўйича секторлар фаолиятини янада такомиллаштиришга доир қўшимча чора-тадбирлар тўғрисида”ги ПҚ-4102-сонли қарорининг ижроси юзасидан сектор раҳбарларининг 2020 йил мобайнида амалга оширган ишлари тўғрисида туман ҳокими Ф.Умаров ахбороти тинглианди. Ахборотда мамлакатимиз Президенти Ш.Мирзиёевнинг Олий Мажлисга Мурожаатномасида белгиланган муҳим вазифалар, муаммолар ва уларни ҳал этиш юзасидан белгиланаётган чора-тадбирлар юзасидан фикр юритди.
- Подробности
- Категория: Jamiyatdagi
- Просмотров: 387
КАРМАНАЛИК ЁШЛАР 1+1 ЛОЙИҲА ИШТИРОКЧИСИ
Хабарингиз бор, жорий йилнинг 25 декабр куни бўлиб ўтган ёшлар форумида Ўзбекистон Республикаси Президенти Шавкат Мирзиёев ишсиз ва уюшмаган ёшларни касб-ҳунар ва тадбиркорликка ўқитишни ташкил этиш ҳамда “Ҳар бир тадбиркор-ёшларга мададкор” 1+1 лойиҳа ташаббусини илгари сурган эди.
Бугун, Ўзбекистон Республикаси Президенти маслаҳатчисининг биринчи ўринбосари К.Куранбаев бошчилик ишчи гуруҳи Навоий вилоятига ташрифи давомида, 2021 йилда ёшлар билан янгича ишлаш тизимини жорий этиш бўйича намунали ташкил этилган Кармана туман штабини кўздан кечириш билан карманалик ёшлар иштирокида “Ҳар бир тадбиркор-ёшларга мададкор” 1+1 лойиҳаси доирасида ўтказилган учрашувдаги иштироки, ёшларни ишончига янада мустаҳкам таянч бўлди.
- Подробности
- Категория: Jamiyatdagi
- Просмотров: 390
САЙЁР ҚАБУЛ
Бугун Ўзбекистон Республикаси Президентининг Халқ қабулхонаси Кармана туман бўлими мудири И.Ёдгоров раҳбарлигида фуқаролар билан бўлиб ўтган учрашувда муаммолар ўрганилди. Қабулда йўл таъмири, бандлик, соғлигини тиклаш ва уй-жой масалалари юзасидан билдирилган мурожаатлар ўртага ташланди. Масъул мутасаддилар томонидан ушбу масалаларга ечим топилди.
Туман ҳокимлиги ахборот хизмати
11.01.2021 йил
- Подробности
- Категория: Jamiyatdagi
- Просмотров: 400
Бандлиги бўлмаган фуқаролар касбга ўқитиш марказларига жалб этилмоқда
Кармана туман марказидан олис, 1-сектор ҳудудига қарашли Ҳазора, Пахлавон, Малик ва Дегарон маҳаллаларида яшовчи, “Аёллар дафтари”га киритилган бандлиги бўлмаган фуқароларни касб-ҳунарга ўқитиш марказида дарс жараёнлари бошланди.
Бугун туман ҳокимлиги ташаббуси билан Ҳазора касб-ҳунар техникумида ташкил этилган тикувчилик касбига ўқитиш марказида рўйхатга олинган 60 нафар бандлиги бўлмаган фуқароларга туман ҳокимининг хотин-қизлар масалалари бўйича маслаҳатчиси Г.Шерматова ва аҳоли бандлигига кўмаклашиш маркази директори А.Акрамов иштирокида батафсил тушунчалар берилди.
