Бандлиги бўлмаган фуқаролар касбга ўқитиш марказларига жалб этилмоқда

Кармана туман марказидан олис, 1-сектор ҳудудига қарашли Ҳазора, Пахлавон, Малик ва Дегарон маҳаллаларида яшовчи, “Аёллар дафтари”га киритилган бандлиги бўлмаган фуқароларни касб-ҳунарга ўқитиш марказида дарс жараёнлари бошланди.

Бугун туман ҳокимлиги ташаббуси билан Ҳазора касб-ҳунар техникумида ташкил этилган тикувчилик касбига ўқитиш марказида рўйхатга олинган 60 нафар бандлиги бўлмаган фуқароларга туман ҳокимининг хотин-қизлар масалалари бўйича маслаҳатчиси Г.Шерматова ва аҳоли бандлигига кўмаклашиш маркази директори А.Акрамов иштирокида батафсил тушунчалар берилди.

Г.Шерматова мамлакатимизда меҳнат миграцияси тизимини такомиллаштириш борасида олиб борилаётган ишлар ҳақида тўхталди. Жумладан, ихтисослиги бўлмаган фуқароларни касбга ўқитиш, иш билан таъминлаш мақсадида туманда фаолияти йўлга қўйилган касб-ҳунарга ўқитиш марказлари, у ерларда яратилган шароитлар хусусида сўз юритди.
Шунингдек, А.Акрамов касб-ҳунарга ўқитишда молиявий қўллаб-қувватлаш ва марказлар фаолияти тўғрисида маълумот берди.

Туман ҳокимлиги ахборот хизмати
5.01.2021 йил