- Подробности
- Категория: Qishloq xo'jaligi
- Просмотров: 578
Кармана тумани Кўҳнақўрғон маҳалласидаги “Хоним” каналидаги авария ҳолати юзасидан ижтимоий тармоқларда тарқалган видеолавҳа юзасидан Қуйи Зарафшон ирригация тизимлари ҳавза бошқармасининг
РАСМИЙ МУНОСАБАТИ
Кармана туманидаги Кўҳнақўрғон маҳалласи ҳудудидан оқиб ўтувчи “Хоним” каналида жорий йилнинг 31 январь куни ҳақиқатдан ҳам сув ўриб кетиши ҳодисаси содир бўлган. Каналдан меъёрдан ортиқ сув келгани учун тошган ва ёнидаги коллекторга оқиб тушган. Жорий йилнинг 1 февраль куни Қуйи Зарафшон ирригация тизимлари ҳавза бошқармаси томонидан мазкур авария ҳолатини бартараф этиш бўйича тезкор чора-тадбирлар ишлаб чиқилди. Шу куни каналга махсус техникалар юборилиб, авария ҳолатини бартараф этишга киришилди. 2-3 февраль кунлари авария ҳолати тўла бартараф этилди. Жумладан, каналнинг сув уриб кетган қисмига каналда оқиб келаётган сувни тўла ўтказишга мўлжалланган диаметри катта металл қувур ётқизилди. Қувурнинг ҳар иккала қисми мустаҳкамланди. Шунингдек, канал ёнидаги сув ювиб кетиши натижасида ҳосил бўлган чуқурлар бошқа жойдан келтирилган тупроқ билан тўлдирилиб, махсус техникалар воситасида шиббаланди.
- Подробности
- Категория: Qishloq xo'jaligi
- Просмотров: 430
МАҲАЛЛИЙ ЎҒИТ МЎЛ ҲОСИЛ ГАРОВИ
Кармана туманида экин ерларига маҳаллий ўғит чиқариш ишлари ҳам жадал суратларда олиб борилмоқда.
Эртанги юқори ҳосил учун бугундан тараддуд кўраётган деҳқонларимиз сув йўлларини тозалаш, ғалла майдонларига маҳаллий ўғит чиқариш ва шўр ювиш ишларини кечиктириб бўлмайдиган жараён деб билади.
туман ҳокимлиги ахборот хизмати
16.01.2021 йил
- Подробности
- Категория: Qishloq xo'jaligi
- Просмотров: 460
НАВОИЙЛИК ЭКСКАВАТОРЧИЛАР ТАҚДИРЛАНИШДИ
Кармана тумани ҳокимлиги катта мажлислар залида 2019-2020 йил суғориш мавсуми давомида вилоятдаги қишлоқ хўжалиги далалари ва иқтисодиёт тармоқларини барқарор сув билан таъминлашга, суғориладиган ер майдонларининг мелиоратив аҳволини яхшилашга муносиб ҳисса қўшган бир гуруҳ ирригация ва мелиорация соҳаси ходимлари – экскаваторчиларни тақдирлаш тадбири бўлиб ўтди.
Қуйи Зарафшон ирригация тизимлари ҳавза бошқармаси ташаббуси билан ташкил этилган мазкур тадбирда Ўзбекистон Республикаси Сув хўжалиги вазири Шавкат Ҳамроев ҳам иштирок этди ва илғор техника жиловдорларини эришаётган ютуқлари билан муборакбод этди. Шунингдек, юртимизнинг иқтисодий юксалишида, халқимиз дастурхони тўкин бўлишида экскаваторчиларнинг ҳам катта ҳиссалари борлигини алоҳида эътироф этди.
- Подробности
- Категория: Qishloq xo'jaligi
- Просмотров: 427
ТОМЧИЛАТИБ СУҒОРИШ – ТЕЖАМКОРЛИК ОМИЛИ
Ўзбекистон Республикаси Президентининг “Қишлоқ хўжалигида сувни тежайдиган технологияларни жорий этишни янада жадал ташкил этиш чора-тадбирлари тўғрисида” 2020 йил 11 декабрдаги ПҚ-4919-сон қарори ижросини таминлаш мақсадида Кармана туманида вилоят кўргазмали амалий семинари бўлиб ўтди.
Навоий вилоятида Қишлоқ хўжалиги соҳасида боғдорчилик, узумчилик ва мева-сабзавотчиликни ривожлантиришда сувни тежайдиган суғориш технологияларини жорий қилишга қаратилган ушбу семинар йиғилишда, томчилатиб ва ёмғирлатиб суғориш технологиялари унинг қурилиш-монтаж жараёнлари тўғрисида сўз юритилди.
- Подробности
- Категория: Qishloq xo'jaligi
- Просмотров: 472
НАВОИЙДА УРУҒЛИК ПАХТАНИ САҚЛАШ ТАРТИБИГА РИОЯ ЭТИЛИШИ ЎРГАНИЛДИ
Уруғлик пахтани қабул қилиб олиш ва уни белгиланган тартибларга риоя этган ҳолда сақлаш муҳим жараён ҳисобланади. Бу келгуси йил ҳосилининг сифатли ҳамда мўл бўлиши билан боғлиқлиги учун ҳам алоҳида аҳамиятга эга. Навоий вилоятида жорий йилда мавжуд пахта тўқимачилик кластерларига қарашли уруғлик пахта қабул қилиш корхоналари томонидан 6 минг 858,2 тонна уруғлик жамғарилиши режалаштирилган бўлиб, бугунги кунга қадар жами 37 та, шундан 3 та омбор ва айвонларга ҳамда 34 та ғарамларга “Бухоро-102”, “Бухоро-6”, “Ан-Баёвут-2”, “Султон”, “С-01”навларидан иборат 6 минг 807,7 тонна уруғлик пахта қабул қилинган. Уларнинг 100 фоизи кластер корхоналари ҳисобига тўғри келади.
