- Подробности
- Категория: Jamiyatdagi
- Просмотров: 335
Вакцинация — коронавирус инфекциясидан ишончли ҳимоя
Сўнги вақтларда бутун дунё аҳлини ўйга солиб қўйган COVID-19 инфекцияси янада хушёр бўлиб, карантин қоидаларга амал қилишни талаб этмоқда. Орадан бир йилдан ошиқ вақт ўтса-да вазият ҳамон кескинлашиб бормоқда.
Ҳозирги вазиятда инфекцияга қарши эмлаш тадбирларида фаол қатнашиш, мутахассислар тавсиясига амал қилиш яхши самара бермоқда. COVID-19 га қарши вакцина олиш фақатгина шахсий эмас, балки жамоавий масала ҳамдир. Соҳа олимларининг фикрича, эмлаш ҳар қандай эпидемияга олиб келувчи касалликларнинг энг самарали профилактикасидир.
- Подробности
- Категория: Jamiyatdagi
- Просмотров: 359
“ҲАЗОРА”ДА САЙЁР ҚАБУЛ
Фуқаролар мурожаатларини ўрганиш, уларга амалий ва ҳуқуқий ёрдам кўрсатиш, бир сўз билан айтганда халқ розилиги, Президентимиз олиб бораётган оқилона сиёсатнинг устунига айланди.
Юқоридаги фикрлар исботи сифатида бугун Кармана туман ҳокими Фахритдин Умаров ва Ўзбекистон Республикаси Бош вазирининг Тадбиркорлар мурожаатларини кўриб чиқиш қабулхонаси туман бўлими раҳбари Акбар Сайфуллаев иштирокида “Ҳазора” маҳалласида яшовчи аҳолининг “Аёллар дафтари”, “Ёшлар дафтари”га киритилган қатлами ва фуқаролар иштирокида сайёр қабул ўтказди.
Қабулда фуқаролар томонидан имтиёзли уй-жой олиш, кредит, соғлигини тиклашда моддий ёрдам ва бошқа масалалар юзасидан 30 та мурожаатлар ўрганиб чиқилди.
Мурожаатларнинг аксарияти жойида ҳал этилди, қўшимча ўрганиш ва муддат талаб этиладиган муаммолар тегишли масъулларга йўналтирилиб, ижроси туман ҳокимининг назоратига олинди.
Туман ҳокимлиги ахборот хизмати
- Подробности
- Категория: Jamiyatdagi
- Просмотров: 379
МУКОФОТ МУБОРАК!
30 июнь – Ёшлар куни муносабати билан Кармана туман Ёшлар ишлари агентлиги раҳбари Фузайл Душанович Юсупов Навоий вилоят ҳокимнинг фахрий ёрлиғи билан тақдирланди.
Фузайл Юсуповни ушбу ютуқ ва юксак эътироф билан туман ёшлари номидан самимий муборакбод этамиз! Келгусида Давлатимиз раҳбари бошчилигида ёшларни ҳар томонлама қўллаб-қувватлаш борасидаги эзгу ишларни амалга оширишда Ф.Юсуповга куч-қувват ва омад тилаймиз!
Туман ҳокимлиги ахборот хизмати 2.07.2021 йил
- Подробности
- Категория: Jamiyatdagi
- Просмотров: 365
КАРМАНА ТУМАН ҲОКИМИ Ф.УМАРОВНИНГ ТУМАН АҲОЛИСИГА МУРОЖААТИ
Ҳурматли тумандошлар!
Барчамиз хабардормиз: дунё аҳлини ташвишу таҳликага қўйган коронавирус инфекциясига қарши юртимиз бўйлаб ҳам тинимсиз курашиш, ушбу касалликнинг тарқалишининг олдини олиш, шунингдек, фуқароларни ушбу касалликка қарши эмлаш тадбирлари уюшқоқлик билан олиб борилмоқда. Ўтган йилдаги тажрибамиздан яхши англадикки, ушбу касалликка чалинмасликнинг энг мақбул йўли бу, шахсий санитария-гигиена қоидаларига қатъий амал қилиш, сабабсиз одам гавжум жойларга иложи борича бормаслик, кўчага чиқилганда ҳам ниқоб тақиш, антисептик воситалар ҳимояланиб юриш ҳисобланади. Сизлардан ўзингиз ва яқинларингиз саломатлигига бефарқ бўлмасликларингизни сўраб қоламан.
Айни дамда юртимизда аномал исиб кетиш ҳолати юз бермоқда. Иқлимшунос мутахассисларнинг маълумотига кўра, бундай юқори ҳарорат юртимизда бир неча кун давом этади. Бундай жазирама иссиқда инсон организмида сувсизланиб, иштаҳаси пасайиши, лоҳас бўлиб бориши табиий ҳол. Аммо куни билан сарф қилинган энергиянинг ўрнини озиқ-овқат билан тўлдириб турилмаса, меҳнат ва ҳаёт фаолияти сустлашиб бориши мумкин. Ўз ўрнида саломатликни асраш учун тўғри овқатланиш тартиби ҳақида ҳам унутмаслик керак. Жазирамада, албатта, чанқоқни босиш учун кўпроқ сув ичиш зарур. Уни ҳар соатда 200 млдан ичиш тавсия этилади. Шунингдек, қора ва кўк чой ҳамда ўтли дамламалар ичиш, ҳўл мевалар, жумладан, тарвуз ейиш ҳам жуда фойдали. Чунки, улар орқали организмга зарур минерал моддалар ва дармондорилар кириб боради. Соғлом инсонлар учун кунлик истеъмол қилинадиган сувнинг меъёри уч литргача. Юрак қон-томир, буйрак хасталиги бор инсонларга эса кўп сув ичиш тавсия этилмайди, бундай беморлар шифокор назорати остида суюқ моддаларни ичишлари лозимлигини шифокорларимиз тавсия этмоқдалар.
- Подробности
- Категория: Jamiyatdagi
- Просмотров: 369
30 ИЮНЬ – ЁШЛАР КУНИ МУНОСАБАТИ БИЛАН ТУМАН ҲОКИМИ Ф.С.УМАРОВНИНГ ЁШЛАРГА БАЙРАМ ТАБРИГИ
Ҳурматли ёшлар!
Барчангизни 30 июнь — Ёшлар куни билан самимий муборакбод этаман. Ушбу кун муносабат билан сиз азиз навқирон авлод вакиллари, келажагимиз эгаларининг ўқиш ва ишларига муваффақиятлар тилайман.
Мамнуният билан таъкидлаш жоизки, мамлакатимизда ёшлар масаласи ҳар доим давлат сиёсати даражасидаги муҳим масала бўлиб келган. Сўнгги йилларда ёш йигит-қизларимиз учун яратилаётган кенг кўламдаги имконият ва шарт-шароитлар, уларнинг ўқиб-ўрганишлари, касб-ҳунар ўрганишлари, жамият ривожи учун қизғин фаолият кўрсатишларига ундайдиган алоҳида эътибор ва ғамхўрлик нафақат юртдошларимиз, балки дунё ҳамжамиятини ҳам ўзига жалб этаётир.
Туманимизда ёшларнинг билим ва кўникмаларини ошириш, маданий-маънавий савиясини юксалтириш мақсадида қатор марказлар, бошланғич замонавий касб-ҳунар ва тадбиркорлик кўникмаларини шакллантириш учун IT парк ва ўқув курслари фаолият кўрсатмоқда. Замонавий спорт иншоотлари барпо этилиб, фойдаланишга топширилди. Ўғил-қизларимизнинг янги лойиҳа ва ташаббусларини қўллаб-қувватлаш мақсадида вазирликлар, ҳокимликлар раҳбарлари иштирокида “Раҳбар ва ёшлар учрашуви” тадбирлари уюшқоқлик билан ўтказилиб келинмоқда. Ушбу учрашувларнинг ижобий натижаси ёшларимизнинг лойиҳа ва илғор ташаббуслари амалиётга татбиқ этилинаётганида кўриш мумкин.
