Подробности

Категория: Jamiyatdagi

Просмотров: 381

Карманада янги мактабгача таълим ташкилоти иш бошлади

Кармана тумани Алишер Навоий номли маҳалла аҳолиси учун янги йил байрами арафасида яна бир қулайлик яратилди.

Куни кеча фойдаланишга топширилган “BABY KIDS” деб номланган давлат хусусий шерикчилик асосидаги мактабгача таълим ташкилоти 75 нафар болани ўз бағрига олади.
Мазкур муассасанинг ишга тушиши билан 18 та янги иш ўрни яратилди. Бу ерда болажонлар бекаму-кўст вояга етишлари, муассаса тарбиячи ва хизматчилари учун астойдил меҳнат қилишга барча шарт-шароитлар яратилган.
Муассасада мусиқа, спорт, гимнастика, инглиз, рус тиллари тўгараклари фаолияти ҳам йўлга қўйилади.
Кармана туманда мактабгача таълим ёшидаги болаларни қамраб олиш сурати бугунги кунда 67 фоизни ташкил этмоқда

Туман ҳокимлиги ахборот хизмати
31.12.2020 йил

Подробности

Категория: Jamiyatdagi

Просмотров: 391

Жорий йилнинг сўнги сессиясида қандай масалалар кўрилди?

Бугун 30 декабрь куни Халқ депутатлари Кармана туман Кенгашининг навбатдаги йигирманчи сессияси бўлиб ўтди.

Сессия кун тартибида Кармана тумани маҳаллий бюджетининг 2020 йилдаги ижроси ва туманнинг 2021 йилги маҳаллий бюджетини тасдиқлаш тўғрисида туман молия бўлими бошлиғини ҳамда туманда 2020 йил давомида ҳуқуқбузарликлар профилактикаси ва жиноятчиликка қарши курашиш ва уни олдини олиш, шунингдек жамоат хавфсизлигини таъминлаш борасида туман ички ишлар бўлими томонидан олиб борилаётган ишлар тўғрисида туман ички ишлар бўлими бошлиғининг ахборотлари тингланди.

Шунингдек, Халқ депутатлари Кармана тумани Кенгашининг 2020 йилги фаолияти, Халқ депутатлари Кармана тумани Кенгаши котибиятини ташкил этиш ва Кенгаш котибияти мудири ва икки нафар бош мутахассисларини тайинлашга доир ҳамда бошқа бир қатор масалалар депутаталар томонидан кўриб чиқилиб, бир овоздан мақулланди.

Сессияда туман Кенгаши депутатлари, сектор раҳбарлари, туман ҳокимининг ўринбосарлари бир гуруҳ масъул раҳбарлар иштирок этишди.

Туман ҳокимлиги ахборот хизмати
30.12.2020 йил

Подробности

Категория: Jamiyatdagi

Просмотров: 368

Кармана туман ҳокими Ф.С.Умаровнинг
туман аҳлига янги йил байрам
ТАБРИГИ

Ҳурматли, тумандошлар. Қадрли дўстлар!

Шу кунларда ҳар биримиз синовли ва ўз ҳаётимизда ўчмас из қолдирган 2020 йил билан хайрлашиб, эзгу қадамлар билан кириб келаётган 2021 йилни кўтаринки кайфият ва яхши ниятлар билан қарши олмоқдамиз.
Фурсатдан фойдаланиб, бутун туманимиз аҳлини ушбу қутлуғ айём - кириб келаётган Янги йил байрами билан чин қалбимдан самимий табриклайман.
Дарҳақиқат, бугун туманимиз маркази ва қайси қишлоғига борманг, эртанги кун завқи билан ёниб яшаётган, юрт ободлиги учун ҳалол меҳнат қилаётган тумандошлримизнинг юзу кўзларидан шукроналик туйғуларини илғаш қийин эмас. Энг асосийси, қўлга киритаётган улкан ютуқларимиз замирида заҳматкаш халқимизнинг ҳалол меҳнатлари мужассамдир.

Батафсил...

Подробности

Категория: Jamiyatdagi

Просмотров: 386

✨ БОЛАЛАР ШОДЛИГИ ТУТСИН ДУНЁНИ

Ҳаёт қувончи, дунёнинг шодлиги болалар билан, уларнинг кулгиси оламни мунаввар этади.

Кармана туманида ҳам янги йил байрами арафасида болажонлар қалбида ана шундай туйғуларни кучайтириш мақсадида байрам тадбирлари ташкил этилмоқда.
Бугун туман ҳокими Ф.Умаров раҳбарлигида, сектор раҳбарлари ва мутасаддилар меҳрга мухтож 13 нафар болажонларнинг хонадонларига ташриф буюриб, уларга “Президент совғаси”ни топширишди.

Янги йил байрами совғалари болажонлар учун улкан қувонч ва шодлик бахш этди.

Туман ҳокимлиги ахборот хизмати
30.12.2020 йил