- Подробности
- Категория: Jamiyatdagi
- Просмотров: 374
ЭНГ ОБОД МАҲАЛЛАЛАР АНИҚЛАНДИ
Ўзбекистон Республикаси Маҳалла ва оилани қўллаб-қувватлаш вазирлигининг 2021 йил 5 мартдаги 04-02/567-сонли топшириғига, Навоий вилоят Маҳалла ва оилани қўллаб-қувватлаш бошқармасининг 2021 йил 10 мартдаги 423-сонли хатида белгиланган вазифаларнинг ижросини таъминлаш мақсадида Кармана туманида жорий йилнинг 22-28 март кунлари “Маҳалла-жамиятимизнинг ёруғ юзи ва виждони кўзгуси” деган бош ғояни ўзида мужассам этган “Маҳаллаларда миллий қадриятларни мустаҳкамлаш ҳафталиги” ўтказилди. Ҳафталик давомида туман Маҳалла ва оилани қўллаб-қувватлаш бўлими томонидан маҳалла фуқаролар йиғинларида “Энг ораста хонадон”, “Энг обод кўча”, “Энг обод кўп қаватли уй” ҳамда “Энг обод маҳалла” кўрик-танловлари ўтказилди.
- Подробности
- Категория: Jamiyatdagi
- Просмотров: 371
Жорий йилнинг 1 апрелидан қонун хужжатларида қандай ўзгаришлар бўлади...
Жорий йилнинг 1 апрелдан бошлаб бир қатор қонун хужжатларида ўзгаришлар бўлиши юзасидан Кармана тумани адлия бўлими бошлиғи А.Ахмедов тушунтириш берди, хусусан:
1. Нодавлат ташкилотларга ҳайдовчилик гувоҳномасини олишда назарий ва амалий имтиҳонларни ўтказиш ҳуқуқи берилади.
Ҳайдовчилик гувоҳномасини бериш соҳасида автомототранспорт воситалари ва шаҳар электр транспорти воситалари ҳайдовчиларини тайёрлаш, қайта тайёрлаш ва уларнинг малакасини ошириш бўйича нодавлат таълим хизматлари кўрсатиш фаолияти учун лицензияга эга тадбиркорлик субъектларига барча тоифадаги автомототранспорт воситаларини (троллейбус ва трамвайдан ташқари) бошқариш ҳуқуқини берувчи ҳайдовчилик гувоҳномасини олиш учун назарий ва амалий имтиҳонларни ўтказиш ҳуқуқи берилади.
- Подробности
- Категория: Jamiyatdagi
- Просмотров: 377
КАРМАНАДА ЎЗБЕКИСТОН-ВЕНГРИЯ ҚЎШМА КОРХОНАСИ ТАШКИЛ ЭТИЛАДИ
Кармана туманидаги “Кармана Ҳасан барака” масъулияти чекланган жамияти иссиқхоначилик ва чорвачилик билан кўп йиллардан бери шуғулланиб келмоқда. Мазкур корхона бир неча ой илгари Венгриянинг “Hunland Trade Kft” компаниясига таклиф билан мурожаат қилган эди. Шундан сўнг ҳар иккала корхона ўртасида ўзаро ҳамкорлик алоқалари ўрнатилди.
Мазкур йирик хорижий компания 1992 йилда ташкил этилган бўлиб, зотли қорамолларни парваришлаш, сут чорвачилиги ва чорва ҳайвонларини ташиш билан шуғулланади. Компания томонидан чорва моллари Россия, Украина, Қозоғистон, Ўзбекистон, Хорватия, Босния, Косово, Болгария, Руминия, Австрия, Бельгия, Греция, Испания, Италия, Жазоир, Ливан, Иордания, Марокаш, Албания, Исроил каби мамлакатларга етказилиб берилмоқда.
- Подробности
- Категория: Jamiyatdagi
- Просмотров: 393
ТУМАН КЕНГАШИНИНГ XXV СЕССИЯСИ
Бугун Халқ депутатлари туман Кенгашининг йигирма бешинчи сессияси бўлиб ўтди.
Сессия кун тартибида туман Кенгаши депутатлари томонидан иккита масала: тумандаги 14-умумтаълим муассасасидаги бўш директорлик вазифасига тавсия этилган номзодларнинг 3 йиллик дастурлари билан танишиш ва вазифага тасдиқлаш, Халқ депутатлари туман Кенгаши Котибиятига бош мутахассис тайинлаш ҳамда бошқа бир қатор масалалар кўриб чиқилди.
Кун тартибидаги биринчи масала юзасидан кўрсатилган номзодлар таништириб ўтилди. Сессия ишида номзодларнинг 3 йил давомида асосий эътиборни таълим сифатини босқичма-босқич яхшилашга қаратилган дастурлар депутатлар диққат марказида бўлди. Кенг муҳокама ва савол-жавобларга бой тарзда ўтган сессияда умумтаълим муассасаси кўрсаткичларини келгуси 3 йилда юқори даражага олиб чиқиш бўйича энг яхши дастурлар аниқлаб олинди. Депутатларнинг қизғин фикр ва мулоҳазаларига кўра, 14-умумтаълим мактаби директори вазифасига З.Остонов номзоди қўллаб-қувватланди.
Сессияда навбатдаги иккинчи масала ҳам депутатлар томонидан кўриб чиқилиб, З.Эгамов номзоди Халқ депутатлари туман Кенгаши Котибияти бош мутахассислиги вазифасига тавсия этилди.
Сессия ишида кун тартибидаги масалалар юзасидан тегишли қарорлар қабул қилинди.
Туман ҳокимлиги ахборот хизмати
- Подробности
- Категория: Jamiyatdagi
- Просмотров: 386
Ҳурматли карманаликлар!
Жорий йилнинг 29 март куни соат 17:00 да Халқ депутатлари Кармана туман Кенгашининг навбатдаги йигирма бешинчи сессияси бўлиб ўтади.
Унда кун тартибига қуйидаги масалалар киритилиши режалаштирилмоқда:
1. Туман халқ таълими бўлимига қарашли 14-умумий ўрта таълим мактаби директори лавозимига тавсия этилган номзодлар ичидан муносибини танлаб олиш ва тасдиқлаш тўғрисида;
2. Халқ депутатлари туман Кенгаши Котибиятига бош мутахассис тайинлаш тўғрисида.
Шунингдек,бошқа масалалар.
Азиз тумандошлар!
Агар сизда ушбу масалалар юзасидан саволлар, фикр-мулоҳаза ва таклифлар бўлса, марҳамат (79) 532-13-39 телефон рақамига қўнғироқ қилиб, ўз муносабатингизни билдиришингиз мумкин.
Сиз берган таклифлар, билдирган фикр-мулоҳазаларингиз Кенгаш томонидан қабул қилинаётган сессия қарорларида албатта ўз ифодасини топади.
Халқ депутатлари Кармана туман Кенгаши
