Подробности

Категория: Jamiyatdagi

Просмотров: 398

“Кармана Деҳқон Бозори”да нарх-навони барқарорлиги ўрганилди

Бугун 2 октябрь куни Кармана туман ҳокими Ф.Умаров навбатдаги ташрифи билан “Кармана Деҳқон Бозори”да бўлиб, бозор маъмурияти томонидан олиб борилаётган ишлар, харидор ва сотувчилар учун яратилган шарт-шароитлар билан яқиндан танишди.
Туманда озиқ-овқат махсулотларининг 90 фоизи қишлоқ хўжалиги соҳасида етиштирилиши ҳаммамизга маълум. Айни вақтда ҳам маҳаллий деҳқонларимиз томонидан бозор расталари қишлоқ хўжалиги махсулотлари билан лимо-лим тўлдирилиб, аҳоли истеъмолига бўлган эҳтиёж барқарорлиги таъминланмоқда.
Бозордаги нарх-наволар мутаносиблиги ҳам ҳокимнинг диққат марказида бўлди. Хусусан, арзонлаштирилган озиқ-овқат масҳулотлари ярмаркасида аҳоли учун ҳамёнбоп нархларни таъминланиши ва нарх-навони сунъий кўтармаслик, барқарор ушлаб туриш юзасидан кўрсатмалар берди.
Жараёнда дуч келинган айрим камчилик ва эътиборталаб масалалар юзасидан мутасаддиларга аниқ ва муддатли топшириқлар берилди.

Туман ҳокимлиги Ахборот хизмати
2.10.2020 йил

Подробности

Категория: Jamiyatdagi

Просмотров: 370

Йўлинг соз бўлса, машаққатинг оз бўлур

Кармана туманидаги таъмирталаб аҳволга келиб қолган асосий ва ички хўжалик йўлларини таъмирлаш ишлари ҳар йили туман манзилли дастури асосида амалга оширилмоқда. Хусусан, 2020 йил давомида мазкур дастурга асосан 10 километр йўлни мукаммал ва жорий таъмирлаш режалаштирилган бўлиб, бугунги кунгача туман бўйича ички хўжалик йўлларининг 5,5 километри мукаммал, 2,5 километри қайта реконструкция қилинди. Жумладан, туманнинг маъмурий маркази бўлган Кармана шаҳрининг марказий кўчаларининг таъмирталаб 1400 метрига асфальт ётқизиш ишлари режалаштирилган бўлиб, белгиланган ишлар деярли ўз якунига етай деб қолди. Таъмирланаётган йўлларнинг четига ўрнатилиши мўлжалланган 0,7 километр лоток ариқларнинг 256 метрига жойлаштириш ишлари бажарилди. Йиллар давомида таъмирталаб, эътибордан четда қолган, бугун эса таъмирланиб, четларига замонавий тунги ёритиш чироқлари ўрнатилган кўчаларнинг кечки манзараси кундузгидан асло қолишмайди. Йўл қуришдек савобли ишларни амалга ошираётган бунёдкор йўлчилардан маҳаллий аҳоли жуда мамнун.

Туман ҳокимлиги ахборот хизмати
25.09.2020 йил

Подробности

Категория: Jamiyatdagi

Просмотров: 406

КАРМАНАЛИК ФИДОИЙЛАР “МЕҲР-САХОВАТ” КЎКРАК НИШОНИ БИЛАН ТАҚДИРЛАНДИЛАР

Ўзбекистон Республикаси Президентининг 2020 йил 26 августдаги фармонига кўра, “Меҳр-саховат” кўкрак нишонларига муносиб кўрилган Кармана туманидаги 21 нафар тадбиркор, давлат ва жамоат ташкилотлари вакилларига бугун ҳокимлик биносида мукофотлар тантанали равишда топширилди.

– Дунё бўйлаб кенг тарқалиб, глобал муаммога айланган коронавирус пандемияси даврида, эл-юртимиз бошига тушган синовли кунларда беғараз ҳомийлик ёрдамингиз ҳамда эзгу ишларингиз билан кўпчиликка алоҳида ўрнак бўлаётганингиздан миннатдорман, – деди Кармана туман ҳокими Фахритдин Умаров ўз сўзида. – Бугун бундай кўкрак нишонлари ҳақиқий эгаларига, муносиб инсонларга берилди. Сизнинг хизматингиз ҳар қандай мукофотга лойиқ ва бунинг учун сизларга халқимиз номидан раҳмат деб қоламиз.

Туман ҳокимлиги Ахборот хизмати
29.09.2020 йил

Подробности

Категория: Jamiyatdagi

Просмотров: 408

Карманада ҳунармандчилик бозори ташкил этилди

Кармана тумани “Сардоба” МФЙ ҳудудида жойлашган “Работи Малик Сардобаси” ва “Работи Малик” карвонсаройи меъморий ёдгорликлар тасарруфида туризмни ривожлантириш ва туманимиз ёш ҳунармандларининг сеҳрли қўлларида яратилган маҳсулотларини юртдошларимиз ҳамда хориждан ташриф буюрадиган меҳмонларга улашишда кенг йўл очилди.

Ушбу “Ҳунармандчилик маркази” Навоий вилоят прокуратураси ташаббуси билан, туман прокуратураси ҳамда туман ҳокимлиги ҳамкорлигида ташкил этилди...

Батафсил...