- Подробности
- Категория: Jamiyatdagi
- Просмотров: 551
Кармана педагогика ва хизмат кўрсатиш касб-ҳунар коллежида туман ҳокими ўринбосарлари, маҳаллий ҳокимлик мутахассислари, тегишли давлат ва жамоат ташкилотлари раҳбарлари учун ўқув-амалий семинар ўтказилди.
Маҳаллий ижроия ҳокимиятининг қуйи бўғинларида мамлакатимизнинг барча соҳаларида амалга оширилаётган ислоҳотларнинг самарали ва тизимли ижросини таъминлаш, қишлоқ аҳолисининг турмуш даражасини ва сифатини оширишда бевосита туман ҳокими ўринбосарларининг касбий маҳорати, масъулияти ва жавобгарлигини ошириш мақсадида ташкил этилган семинарга барча мутасаддилар жалб этилди.
Ҳудудларни ижтимоий-иқтисодий ривожлантириш дастурлари, молия манбалари ва улардан самарали фойдаланиш, тижорат банклари ҳамда суғурта ташкилотларининг замонавий хизматлари, солиқ тизими ва маъмурчилиги, тадбиркорликни қўллаб-қувватлаш, инвестиция оқимини кучайтириш, кичик саноат зоналарининг аҳамияти, аҳоли бандлигини таъминлаш каби мавзуларда машғулотлар олиб борилди. Бунда тингловчиларнинг маҳоратини ошириш мақсадида интерфаол мулоқот, савол-жавоб ва кейс стади методикалари, ақлий ҳужум, кичик гуруҳларда ишлаш ҳамда ролли ўйинлар усулидан кенг фойдаланилди.
— Ҳар бир раҳбар ходим ёки мутахассис ўзига юклатилган вазифаларни сидқидилдан бажариши, масалага виждонан, энг муҳими, реал ва объектив ёндашиш халқнинг давлатдан рози бўлишини таъминлайди, — дейди туман ҳокими ўринбосари Элёр Кенжаев. — Зеро, бугун барча тизимда “Халқ давлат идораларига эмас, балки давлат идоралари халқимизга хизмат қилсин” тамойили асосида иш олиб борилмоқда. Мазкур ўқувамалий семинар ҳам мутасаддиларнинг масъулиятини ва касбий маҳорати ва тажрибасини оширишга хизмат қилди. Айниқса, аҳоли билан ишлашда баландпарвозлик билан эмас, пастга тушиб, унинг дарду ташвишларини ўрганиш фаолиятимиз самарадорлигини таъминлайди.
Семинар давомида туманда мавжуд муаммоларнинг ечимига қаратилиб тайёрланган манзилли “Йўл хариталари” таҳлил қилиниб, амалий натижалар бўйича зарур тавсиялар ишлаб чиқилди.
Шунингдек, тадбир якуни билан туман ҳокими ўринбосарларининг айнан ўзига юклатилган функционал вазифалари бўйича амалга оширадиган тадбирлари, аҳолининг турмуш фаровонлигини таъминлаш, муаммоларга оқилона ечим топиш мақсадида тузиб чиқилган “Йўл хариталари”нинг ижроси бўйича кунлик, ҳафталик, ойлик “Календар иш режалари” тайёрланди.
Ўз мухбиримиз.
07.05.2018
- Подробности
- Категория: Jamiyatdagi
- Просмотров: 599
Навоий шаҳридаги “Ёшлар маркази” ҳамда Кармана туман ҳокимлигида Ўзбекистон Республикаси Ички ишлар вазири маслаҳатчиси генералполковник Зокиржон Алматов иштирокида учрашувлар ўтказилди.
Ҳуқуқбузарликларнинг олдини олиш, милиция таянч пунктлари фаолиятини жонлантириш, маҳаллаларда жиноятчилик ҳолатларини камайтириш масалаларига бағишланган тадбирда ҳуқуқ-тартибот идоралари вакиллари ҳамда фуқаролар йиғинлари масъуллари қатнашди.
Учрашувларда ички ишлар органлари фаолиятини ислоҳ қилиш борасида юртимизда амалга оширилаётган чора-тадбирлар, хусусан, профилактика инспекторларининг хизмат уйлари ҳамда енгил автомашиналар билан таъминлангани ва бошқа муҳим ўзгаришлар алоҳида таъкидлаб ўтилди. Шунингдек, олиб борилаётган ишларга қарамай, айрим жиноят турлари, жумладан, ўз жонига қасд қилиш, ўғрилик, безорилик, аёллар ўртасидаги жиноят кўпаяётгани ҳам қайд этилди. Бу каби салбий ҳолатларнинг олдини олиш эса нафақат соҳа ходимлари, балки жараёнга кенг жамоатчиликни ҳам жалб этишни талаб қилади. Йиғилишда айни масала юзасидан танқидий фикрлар билдирилиб, амалга оширилиши лозим бўлган вазифалар белгилаб олинди.
Тадбирлар давомида Президентимиз иштирокида ички ишлар идоралари вакиллари билан ўтказилган видеоселектор шаклидаги йиғилишлардан тайёрланган ролик ҳам намойиш этилди. Давлатимиз раҳбари томонидан соҳада самарадорликни оширишнинг муҳим омили саналган устувор жиҳатларга яна бир бор эътибор қаратилди.
Таъкидлаш керак, жамоатчилик назорати ҳуқуқбузарликлар профилактикасида муҳим саналади. Бунинг учун эса аҳолининг фуқаролик бурчи ҳамда масъулиятини ошириш зарур. Шуни инобатга олган ҳолда, учрашувда 16 ёшга тўлган Навоий шаҳри, Кармана ва Навбаҳор туманларида истиқомат қилувчи 12 нафар йигит-қизга тантанали равишда фуқаролик паспортлари топширилди.
— Ўзбекистон Республикаси фуқароси бўлганим мен учун юксак фахр, — дейди Навбаҳор туманидаги 1-умумий ўрта таълим мактаби ўқувчиси У. Облоқулова. — Ўзининг мустақил фикри ва қарашига эга ҳар бир киши аввало, юрт тинчлиги учун ҳисса қўшмоғи лозим. Биз ёшлар, албатта, ўзимизга билдирилаётган бундай ишончни намунали хулқимиз, чуқур билимимиз билан оқлаймиз.
Очиқ мулоқотларда Ўзбекистон халқ артисти Ёдгор Саъдиев сўзга чиқиб, ватанпарварлик, юрт тақдирига дахлдорлик каби мавзуларда фикрлар билдирди. Ҳар бир учрашув йиғилганларда унутилмас таассурот қолдирди.
Озод МУСТАФОЕВ.
07.05.2018
- Подробности
- Категория: Jamiyatdagi
- Просмотров: 621
Ўзбекистон Республикаси Президентининг 2018 йил 16 апрелда эълон қилинган “Иккинчи жаҳон уруши қатнашчиларини рағбатлантириш тўғрисида”ги фармонига мувофиқ уруш қатнашчилари ва ногиронларига 5 000 000 сўм пул мукофоти тантанали вазиятда топширилади. Худди шу куни Президентимизнинг “Хотира ва қадрлаш кунига тайёргарлик кўриш ва уни ўтказиш чора-тадбирлари тўғрисида”ги қарори ҳам қабул қилинди.
Ушбу ҳужжатлар мамлакатимизда инсон қадри, шаъни ва ғурури нақадар сарбаланд эканлигига яна бир кафолатдир.
Муҳтарам Президентимиз қарорида Иккинчи жаҳон уруши қатнашчиларининг хоҳиш-истакларига кўра улар ўзлари жанг қилган мамлакатларга бир нафар кузатувчи билан сафарга бориб келиши, Ялта ва Кисловодск шаҳарларидаги “Ўзбекистон”, мамлакатимиз ҳудудидаги бошқа санаторийларга бир нафар кузатувчиси билан бирга бепул юборилиши, уларнинг зарур авиа ва темир йўл чипталари билан таъминланиши алоҳида белгилаб қўйилган.
Фронт орти меҳнат фахрийлари, мустақиллик йилларида хизмат бурчини бажариш чоғида ҳалок бўлган ҳарбий хизматчилар ва ҳуқуқни муҳофаза қилиш органлари ходимларининг оила аъзоларига моддий ва маънавий ёрдам кўрсатилади.
Туманимиздаги Иккинчи жаҳон уруши қатнашчилари уч нафарни, фронт орти меҳнат фахрийлари эса 163 нафарни ташкил этади.
Дўрман маҳалласида яшовчи 98 ёшли Пирназар бобо Турдиев қирғинбарот уруш йилларининг бошидан охиригача қатнашганлар. 1946 йили қайтганлар. Отахон қишлоқ хўжалигининг турли соҳаларида ишлаб, нафақага чиққанлар. Шуниси алоҳида эътиборлики, Пирназар бобо ҳозиргача ҳам ҳовлидаги томорқасида ўзлари ишлайдилар. Маҳаллада томорқа маданияти бўйича ҳамқишлоқларига маслаҳатлар берадилар. МФЙ йиғилишларида бу фидойи бобомиз ёшларимизни деҳқончиликка, боғдорчиликка, чорвачиликка, бошқа соҳаларга йўналтириш зарурлигини уқтирадилар. Пирназар бобо давлатимиз раҳбарининг юксак инсонпарварлик сиёсатини ҳар томонлама қўллаб-қувватлайдилар ва дориломон замонлар учун шукроналар айтадилар.
93 ёшли Ялла бобо Равшанов ҳам Иккинчи жаҳон урушида фашист газандаларига қарши курашганлар.
Ленинград қамалида азобли кунларни бошдан кечирган Замиля ая Ханбекова умрининг 93 баҳорини қаршилади. Улар фарзандлари, невара-чеваралари, аввало, эл-юртимиз ардоғида.
Вилоятимиз ҳокими Қобил Турсунов, туманимиз ҳокими Фахритдин Умаров, маҳалладошлар доимо уларнинг ҳол-аҳволидан хабардор бўлиб турибдилар. Бу нуронийларимиз сиҳатсаломатлиги тиббиёт ходимларининг доимий назоратида.
Давлатимиз раҳбарининг юқорида қайд этилган фармони ва қарори ижроси зиммамизга улкан масъулият юклайди. Аллақачон маҳаллалар, мутасадди ташкилотлар билан ҳамкорликда ишларни бошлаб юборганмиз. Ҳеч ким эътибордан четда қолмайди.
Иккинчи жаҳон уруши иштирокчилари, фронт орти меҳнат фахрийлари муҳтарам Президентимизнинг оқилона сиёсатини қўллаб-қувватлаш билан бирга ёшларимиз тарбиясига, тўй-маъракаларни ташкил этишга, ободонлаштириш ишларига доимо бош-қош бўлмоқдалар.
Даҳшатли урушдан омон қолган фахрийларимиз ҳамиша эл ардоғида бўладилар. Улар бизнинг фахримиздир.
К. ҚУРБОНОВ,
туман “Нуроний”
жамғармаси раиси.
27.04.2018
- Подробности
- Категория: Jamiyatdagi
- Просмотров: 595
Хитой Халқ Республикаси ташаббуси билан 2017 йил 14-15 майда Пекин шаҳрида ўтказилган “Бир макон, бир йўл” форумида мамлакатимиз Президенти ҳам иштирок этиб, халқаро аҳамиятга эга музокараларда қатор келишувларга эришилган эди. Шунга асосан Хитойнинг Ҳебей провинцияси Синтай шаҳридан йўлга чиққан транспорт карвонларида инвестиция кўринишидаги технологиялар “Навоий” эркин иқтисодий зонасига кириб келди.
Ўтган йили иқтисодий ҳудудда Хитойнинг “Hebei New silk Road Import and Еxport trade” компанияси инвестицияси кўмагида “Zyong Tyang” хорижий корхонасига махсус гувоҳнома топширилган эди. Энди ишлаб чиқаришни йўлга қўйиш жараёнлари бошланди. 7,5 миллион АҚШ доллари миқдоридаги инвестициянинг кириб келиши, янги қувватнинг истиқболидан дарак беради. Хусусан, йилига 200 минг дона ДСП фанерлари ишлаб чиқариш имконига эга корхонада 70 дан ортиқ ишчи ўрни яратилади.
Дарҳақиқат, “Навоий” эркин иқтисодий зонасида қатор имтиёзларнинг қўлланилаётгани, ишлаб чиқарувчилар ва хорижлик сармоядорлар учун қулай ишбилармонлик муҳитини яратмоқда. Айни пайтда мазкур ҳудудда фаолият юритаётган 20 га яқин йирик корхоналар зарур имкониятлардан самарали фойдаланаётир.
— “Бир макон, бир йўл” форумида Давлатимиз раҳбари нутқ сўзлаб, табиий, ишлаб чиқариш ва инсон ресурсларига ғоят бой бўлган давлатимизда транспорт, савдо, инвестиция, энергетика ва юксак технологиялар соҳаларидаги лойиҳаларни амалга оширишни қўллаб-қувватлашни таъкидлади, — дейди “Навоий” эркин иқтисодий зонаси дирекцияси директори Азамат Файзиев. — Энг муҳими, Марказий Осиёни Хитой ва Россия орқали Жанубий, Жанубий-Шарқий Осиё ва Европа мамлакатлари бозорлари билан боғлайдиган транспорт-логистика йўналишларини очишга хизмат қиладиган мазкур лойиҳа қадимги Буюк Ипак йўлининг қайта тикланиши дея баҳоланмоқда. Хитойлик сармоядорлар билан Навоийда амалга оширилаётган мазкур иқтисодий ҳамкорлик ҳам мустаҳкам алоқаларнинг ўрнатилаётганини англатади.
Хорижлик инвесторларнинг юртимиз бозори, айниқса, “Навоий” эркин иқтисодий зонасини танлаганининг асосий омили, бу ерда тадбиркорлар учун қулайлик, қурилиш маҳсулотларига ички талабнинг юқорилиги, энг муҳими, хом ашёнинг мўллигидадир. Чунки, қурилиш маҳсулотлари ишлаб чиқаришга ихтисослашган корхона учун зарур ресурслар вилоятнинг ўзида мавжуд.
— Дастлаб, ДСП фанерлари ишлаб чиқариш линиясини ишга туширишни мўлжаллаганмиз, — дейди “Zyong Tyang” хорижий корхонаси бош директори Лю Пеифенг. — Маҳсулот тайёрлашда хом ашё захирасини Қизилтепа туманидан олишни режалаштирганмиз. Мазкур туман далаларида етиштириладиган ғўза поясидан кенг фойдаланамиз. Махсус ингриедентлар эса “Навоийазот” акциядорлик жамиятидан олинади. Бу дегани маҳсулот таннархининг арзонлашиши, импортнинг кескин қисқаришидан дарак беради.
Корхона шунингдек, МДФ ва фанер ишлаб чиқариш, шиша маҳсулотлари тайёрлашни ҳам режалаштирган.
Нуриддин РАҲИМОВ.
Суратлар муаллифи
Сирож АСЛОНОВ.
07.05.2018
- Подробности
- Категория: Jamiyatdagi
- Просмотров: 589
Юртимизда амалга оширилаётган бунёдкорлик ишлари чекка-чекка ҳудудларда ҳам жадал давом этиб, жойларда аҳоли учун кенг қулайликлар яратилаяпти. Вилоятимизда янги-янги объектлар қад ростлаётгани шаҳар-туманлар файзига ўзгача шукуҳ бағишламоқда.
Ўтган ҳафта воҳамизда 4 та замонавий объект бир кунда фойдаланишга топширилди. Кенг жамоатчилик, корхона-ташкилотлар раҳбарлари ҳамда журналистлар иштирок этган тантанали тадбирларда вилоят ҳокими Қ. Турсунов қатнашиб, халқаро андозадаги муассасалар, улардаги шарт-шароит ва имкониятлар, қулайликлар борасида сўз юритди ҳамда барчани қутлади.
Туманимизнинг “Сардоба” маҳалла фуқаролар йиғинида “Қалдирғоч” нодавлат мактабгача таълим муассасаси қуриб битказилди. 120 ўринга мўлжалланган муассаса жами 2 миллиард 300 миллион сўм маблағ эвазига тадбиркор Мавлуда Мўйинова томонидан қурилиб, фойдаланишга топширилди. Замон талабидаги ушбу муассаса аҳолига ҳар томонлама қулайлик туғдирмоқда.
— Бизнинг маҳалламизда ҳам замонавий боғча барпо этилганидан мамнунман, — дейди маҳалла фуқароси Г. Сайфуллаева. — Боғчадаги барча қулайликлар фарзандларимизнинг баркамол вояга етиши, эртанги катта ҳаёт йўлида зарур билим ва кўникмаларни эгаллашида муҳим омилдир. Айниқса, тарбиячиларнинг олий маълумотли ва тажрибали мутахассислар экани мени қувонтирди. Эртамиз эгаларининг келажагини ўйлаб амалга оширилаётган ислоҳотлар учун Президентимизга раҳмат айтаман.
Тадбиркор яқинда муассаса атрофидаги 10 сотих ерга қўшимча иссиқхона ташкил этишни ҳам ният қилган.
Айни кунда вилоятимизда 26 минг нафар болажон мактабгача таълим муассасаларига қамраб олинган. Эндиликда 10 минг ўринга мўлжалланган 118 та нодавлат мактабгача таълим муассасаси фаолиятини йўлга қўйиш ишлари юзасидан амалий ишлар олиб борилаяпти. Жумладан, бугунга қадар 80 нафар тадбиркорга туман ва шаҳар ҳокимлари қарорлари билан ер майдонлари ажратиб берилди.
Ҳозирда 23 нафар тадбиркор томонидан қурилиш-монтаж ишлари давом этмоқда. Ушбу муассасалар йил охиригача фойдаланишга топширилиши режалаштирилган.
Ўз мухбиримиз.
