- Подробности
- Категория: Jamiyatdagi
- Просмотров: 380
ҲОКИМ ЁШЛАР БИЛАН УЧРАШДИ
Кармана туман ҳокими, 1-сектор раҳбари Фахритдин Умаровни “Ҳунармандлар” уюшмаси мажлислар залида сектор ҳудудидаги маҳаллалар ёшлари билан учрашуви бўлиб ўтди.
Учрашувда дастлаб, туман ҳокими бугунги кунда мамлакатимизда, хусусан, Кармана туманида ёшлар билан ишлаш соҳасида амалга оширилаётган ишларга батафсил тўхталиб ўтди.
Шундан сўнг учрашувга келган йигит-қизлар ўзларини қизиқтирган масалалар юзасидан таклиф ва муаммоларини билдиришди.
Ёшларни ўйлантираётган муаммоларни бартараф этиш ҳамда уларнинг таклиф ва ташаббуслари юзасидан қўллаб-қувватлаш борасида тизимли ишларни амалга оширилиши назоратга олинди.
- Подробности
- Категория: Jamiyatdagi
- Просмотров: 387
Ҳазрат Навоийни эслаб...
Биламизки, 2021 йил 9 февраль куни буюк шоир, мутафаккир, атоқли давлат ва жамоат арбоби Алишер Навоий таваллудининг 580 йиллиги муносабати билан жойларда маданий-маърифий тадбирлар ўтказилди.
Жумладан, Кармана тумани 8-умумий ўрта таълим мактабида ҳам “Аждодларга муносиб авлод бўлайлик” шиорида тадбир ташкил қилиниб, ўқувчилар ёд олган Навоий ғазалларидан ҳиргоялар ва саҳна кўринишлари ижро этишди.
Туман ҳокимлиги ахборот хизмати
10.02.2021 йил
- Подробности
- Категория: Jamiyatdagi
- Просмотров: 381
Сайёр қабул: Фуқаролар мурожаатига ижобий ечим
Бугун 6 февраль куни Халқ қабулхонасида туман ҳокими ва корхона, ташкилот масъуллари томонидан ўтказилган қабулда фуқаролардан 48 та мурожаат тушди.
Мурожаатчилар бандлик, соғлигини тиклашда амалий кўмак, тадбиркорлик учун ер, кредит, моддий ёрдам ажратилиши, уй-жой, йўлларни таъмирлаш масалаларини илгари сурдилар.
Туман ҳокими мурожаатларнинг ижросини таъминлаш юзасидан масъул ташкилот раҳбарларига топшириқлар берди. Шунингдек, муддат талаб қиладиган ва ҳақиқий ҳолатни ўрганиш лозим бўлган 6 та мурожаатларга туман ҳокимининг ташрифи довомида ечим топилди.
Туман ҳокимлиги ахборот хизмати
6.02.2021 йил
- Подробности
- Категория: Jamiyatdagi
- Просмотров: 362
МЕҲНАТ ЯРМАРКАСИ ЎТКАЗИЛДИ
Кармана туман ҳокимлиги, туман прокуратураси, солиқ инспекцияси ва Аҳоли бандлигига кўмаклашиш маркази ҳамкорлигида 2-сонли мусиқа ва санъат мактаби биносининг очиқ майдонида “Бўш иш ўринлари меҳнат ярмаркаси” ташкил этилди.
Кармана туман ҳокимининг 2021 йил 3 февралдаги Ф-6-сонли Фармойишига асосан ташкил этилган ушбу “Бўш иш ўринлари меҳнат ярмаркаси”да ҳудуддаги 137 та корхона, ташкилот ва муассасалар ҳамда хусусий тадбиркорлик субъектлари ўзларининг 202 та бўш иш ўринлари билан иштирок этди. Ярмаркада иштирок этган ишсиз ёшлар ва хотин-қизлар ўзларининг мутахассисликлари бўйича мавжуд иш ўринлари билан танишиб, ишлаш истагини билдирган фуқароларга Аҳоли бандлигига кўмаклашиш маркази томонидан йўлланмалар берилди.
Тадбир давомида туман ҳокимининг биринчи ўринбосари, Т.Уринов ва туман Аҳоли бандлигига кўмаклашиш маркази раҳбари А.Акрамовлар, фуқароларни қизиқтирган саволлари юзасидан ҳуқуқий маслаҳатлар берди.
Туман ҳокимлиги ахборот хизмати
6.02.2021 йил
- Подробности
- Категория: Jamiyatdagi
- Просмотров: 397
КАРМАНАДА УЛКАН БУНЁДКОРЛИК ИШЛАРИ
Бугун Кармана туман ҳокими Ф.Умаров, туман аҳоли бандлигига кўмаклашиш маркази директори А.Акрамов иштирокида “Боғишамол” маҳалласи ҳудудида янги бунёд этилаётган "GRAND DIYOR NAVOIY" МЧЖ тикувчилик корхонаси ҳамда “САВДО БОҒИШАМОЛ МАЖМУАСИ”нинг қурилиш ишлари билан танишди.
Ушбу "GRAND DIYOR NAVOIY" МЧЖ томонидан бунёд этилаётган 5,5 миллиард сўмлик тикувчилик корхонаси ва 50 миллиард сўмлик “САВДО БОҒИШАМОЛ МАЖМУАСИ” лойиҳасининг ишга туширилиши натижасида 1500 та янги иш ўрни яратилиши кўзда тутилган. Бугунги кунда қурилиш-монтаж ишлари 90 фоизга бажарилган бўлиб, лойиҳани қисқа муддатда ишга тушириш режалаштирилган.
