- Подробности
- Категория: Jamiyatdagi
- Просмотров: 348
Кармана туман ҳокими Ф.С.Умаровнинг
туман аҳлига янги йил байрам
ТАБРИГИ
Ҳурматли, тумандошлар. Қадрли дўстлар!
Шу кунларда ҳар биримиз синовли ва ўз ҳаётимизда ўчмас из қолдирган 2020 йил билан хайрлашиб, эзгу қадамлар билан кириб келаётган 2021 йилни кўтаринки кайфият ва яхши ниятлар билан қарши олмоқдамиз.
Фурсатдан фойдаланиб, бутун туманимиз аҳлини ушбу қутлуғ айём - кириб келаётган Янги йил байрами билан чин қалбимдан самимий табриклайман.
Дарҳақиқат, бугун туманимиз маркази ва қайси қишлоғига борманг, эртанги кун завқи билан ёниб яшаётган, юрт ободлиги учун ҳалол меҳнат қилаётган тумандошлримизнинг юзу кўзларидан шукроналик туйғуларини илғаш қийин эмас. Энг асосийси, қўлга киритаётган улкан ютуқларимиз замирида заҳматкаш халқимизнинг ҳалол меҳнатлари мужассамдир.
- Подробности
- Категория: Jamiyatdagi
- Просмотров: 378
Жорий йилнинг сўнги сессиясида қандай масалалар кўрилди?
Бугун 30 декабрь куни Халқ депутатлари Кармана туман Кенгашининг навбатдаги йигирманчи сессияси бўлиб ўтди.
Сессия кун тартибида Кармана тумани маҳаллий бюджетининг 2020 йилдаги ижроси ва туманнинг 2021 йилги маҳаллий бюджетини тасдиқлаш тўғрисида туман молия бўлими бошлиғини ҳамда туманда 2020 йил давомида ҳуқуқбузарликлар профилактикаси ва жиноятчиликка қарши курашиш ва уни олдини олиш, шунингдек жамоат хавфсизлигини таъминлаш борасида туман ички ишлар бўлими томонидан олиб борилаётган ишлар тўғрисида туман ички ишлар бўлими бошлиғининг ахборотлари тингланди.
Шунингдек, Халқ депутатлари Кармана тумани Кенгашининг 2020 йилги фаолияти, Халқ депутатлари Кармана тумани Кенгаши котибиятини ташкил этиш ва Кенгаш котибияти мудири ва икки нафар бош мутахассисларини тайинлашга доир ҳамда бошқа бир қатор масалалар депутаталар томонидан кўриб чиқилиб, бир овоздан мақулланди.
Сессияда туман Кенгаши депутатлари, сектор раҳбарлари, туман ҳокимининг ўринбосарлари бир гуруҳ масъул раҳбарлар иштирок этишди.
Туман ҳокимлиги ахборот хизмати
30.12.2020 йил
- Подробности
- Категория: Jamiyatdagi
- Просмотров: 385
Карманада 144 оилага уй калити топширилди
Халқимизда “Уйи борнинг ўйи бўлмайди”, деган нақл бор. Бу-рўзғор бутлиги, кўнгил хотиржамлиги ва фарзандлар камоли учун шахсий турар-жойнинг ўрни жуда муҳим эканига ишорадир.
Бугун Маликработ массиви “Дўстлик” маҳалласида қуриб битказилган 144 та кўп қаватли арзонлаштирилган уйлар калити, ўз эгаларига байрамона тарзда Кармана туман ҳокими Фахритдин Умаров томонидан топширилди.
Туманда шу каби янги намунавий лойиҳалар асосида қурилаётган арзон уйлар дастурларини амалга оширилиши билан кам даромадли, ногиронлик гуруҳида бўлган ва ёш оилалар қўллаб-қувватланмоқда.
Аблоқулова Азиза тикувчи. Тўлқин Муқимов билан турмуш қурганига 8 йил бўлган. Икки нафар фарзанди билан кўп йиллар ижарада яшаб келган. Бугун ушбу оилага ҳам 2 хонали арзон уй насиб этди.
Туман ҳокимлиги ахборот хизмати
26.12.2020 йил
- Подробности
- Категория: Jamiyatdagi
- Просмотров: 372
✨ БОЛАЛАР ШОДЛИГИ ТУТСИН ДУНЁНИ
Ҳаёт қувончи, дунёнинг шодлиги болалар билан, уларнинг кулгиси оламни мунаввар этади.
Кармана туманида ҳам янги йил байрами арафасида болажонлар қалбида ана шундай туйғуларни кучайтириш мақсадида байрам тадбирлари ташкил этилмоқда.
Бугун туман ҳокими Ф.Умаров раҳбарлигида, сектор раҳбарлари ва мутасаддилар меҳрга мухтож 13 нафар болажонларнинг хонадонларига ташриф буюриб, уларга “Президент совғаси”ни топширишди.
Янги йил байрами совғалари болажонлар учун улкан қувонч ва шодлик бахш этди.
Туман ҳокимлиги ахборот хизмати
30.12.2020 йил
- Подробности
- Категория: Jamiyatdagi
- Просмотров: 377
ТУМАН ҲОКИМИ МАКТАБ БИТИРУВЧИЛАР БИЛАН УЧРАШДИ
Бугун Кармана тумани Халқ таълими бўлимига қарашли умумтаълим мактаблари битирувчилари билан “Ҳоким ва битирувчилар” учрашуви ташкил этилди.
Дастлаб учрашувда қалби қайноқ, билимга чанқоқ битирувчиларнинг таклиф ва муаммолари тингланиб, қизиқтирган саволларига туман ҳокими томонидан атрофлича тушунтиришлар берилди.
