- Подробности
- Категория: Jamiyatdagi
- Просмотров: 378
ИЖОДКОР ЎҚУВЧИЛАР ШОИР, ЁЗУВЧИЛАР БИЛАН УЧРАШДИ
Бугун Кармана туманидаги 20-умумий ўрта таълим мактабида ўқувчи-ёшлар билан шоир, ёзувчиларнинг ижодий учрашуви бўлиб ўтди.
Ташкил этилган адабий кечада Ўзбекистон Ёзувчилар уюшмаси аъзоси, “Шуҳрат” медали ва “Меҳнат шуҳрати” ордени соҳиби, таниқли ижодкор Одил Ҳотамов ўзининг ҳаётий сабоқлари, шеърият ва адабиёт ҳақидаги қарашларини ёшлар билан ўртоқлашди. Айниқса, устознинг бадиий ижод ва адабий тарбия ҳақидаги фикрлари ёшлар учун ҳаётий мактаб бўлди.
Шунингдек, учрашувда журналист ва шоир Азамат Зарипов ҳамда Отабек Аслонов ҳам иштирок этиб, ўқувчиларга шеърият сеҳри ва ижод олами ҳақидаги қарашлари хусусида сўзлаб берди.
Учрашув давомида ижодкорлар томонидан Муҳаммад Юсуф ижоди, Абдулла Орипов шеърияти, бугунги адабий жараён, вилоятимиздаги адабий муҳит ҳақида ҳам сўз юритилди.
Мактабнинг ижодкор-ёшлари устозларга ўзларининг ижодий намуналарини туҳфа этди. Тадбир якунида энг, фаол ёшларга ижодкорлар томонидан китоблар совға қилинди.
Туман ҳокимлиги ахборот хизмати 27.04.2021 йил
- Подробности
- Категория: Jamiyatdagi
- Просмотров: 386
КАРМАНА ТУМАНИДА “ЁШЛАР САНОАТ ВА ТАДБИРКОРЛИК ЗОНАСИ ” ТАШКИЛ ЭТИЛМОҚДА
Эндиликда, ёшларнинг тадбиркорликка оид ташаббуслари, стартап-лойиҳалари ва амалий тадқиқотлари натижалари рўёбга чиқарилишига кўмаклашиш, ёш тадбиркорлик субъектларининг саноат ва хизмат кўрсатиш соҳаларидаги лойиҳаларини ҳар томонлама қўллаб-қувватлашга кенг имкониятлар яратилди.
Эътибор беринг: “Ёшлар саноат ва тадбиркорлик зонаси”да ёшларга тадбиркорлик фаолиятини бошлаши ва юритишлари учун 0,10 сотих аукционсиз ер майдонлари ажратиш, ёшларга уларнинг саноат ва хизмат кўрсатиш йўналишидаги лойиҳалари, ташаббуслари ва ғоялари амалга оширилишида кўмаклашиш ва қулай шарт-шароитлар ҳамда ўз инновацион ишланмаларини ишлаб чиқариш жараёнига жорий этиш ва натижаларини тижоратлаштириш, йирик саноат корхоналари билан кооперация алоқаларини ўрнатиш борасида ҳар томонлама амалий ёрдамлар кўрсатилади.
Сизда шундай лойиҳалар бўлса, туман Инвестиция ва ташқи савдо бўлимига мурожаат қилишингиз мумкин!
☎️ 79-532-28-38, 98-107-10-70
Туман ҳокимлиги ахборот хизмати 26.04.2021 йил
- Подробности
- Категория: Jamiyatdagi
- Просмотров: 360
ТУМАН МАРКАЗИДАГИ I БОҒЧА ФОЙДАЛАНИШГА ТОПШИРИЛДИ
Кармана туман марказида жойлашган 1-мактабгача таълим ташкилоти қайта қурилди. 3 миллиард 600 миллион сўм маблағ сарфланаган ушбу иншоот қурилишини “Ғолиб Бегзод” масъулияти чекланган жамияти бунёдкорлари амалга оширдилар.
Мазкур боғча 150 ўринга мўлжалланган бўлиб, Ўзбекистон Республикаси Президентининг 2020 йил 10 январдаги “2020-2022 йилларда Ўзбекистон Республикасининг ижтимоий ва ишлаб чиқариш инфратузилмасини ривожлантириш чора-тадбирлари тўғрисида”ги ПҚ-4565-сонли қарори билан 2020 йилда мактабгача таълим муассасаларини қуриш ва реконструкция қилиш манзилли дастурига асосан бунёд этилди. Архитектура лойиҳалари асосида замонавий, шинам қурилган бу масканнинг очилиши нафақат болажонларнинг, балки ота-оналарнинг ҳам қувончига сабабчи бўлди.
Очилиш маросимида туман ҳокими ўринбосари Э.Кенжаев мазкур мактабгача таълим ташкилотининг ёш авлоднинг замонавий таълим-тарбия олишларига кенг имкониятлар яратишини таъкидлаб ўтди.
Туман ҳокимлиги ахборот хизмати 22.04.2021 йил
- Подробности
- Категория: Jamiyatdagi
- Просмотров: 372
“Аёллар дафтари”га киритилган хотин-қизларга 2 бошдан қўй берилди
Кармана туманида “Аёллар дафтари”га 1748 нафар хотин-қиз киритилган буўлиб, айни кунларда уларни ҳар томонлама қўллаб-қувватлаш, бандлигини таъминлаш ва қўшимча даромад манбаларини яратиб бериш чоралари кўрилмоқда.
Куни кеча қармоғида ногирон фарзанд тарбиялаётган ва кам таъминлангани сабабли рўйхатга олинган 18 нафар фуқароларга икки бошдан қўй берилди.
Хабарингиз бор, жоирий йилнинг 19 апрель куни “Дўрман текстил” корхонасининг очилиши муносабати билан 40 нафар “Аёллар дафтари”га киритилган хотин-қиз доимий ўз иш ўринларига эга бўлганлиги тўғрисида маълум қилган эдик.
Маҳалла ва оилани қўллаб-қўвватлаш туман бўлимининг хотин-қизлар билан ишлар бўйича масъуллари томонидан олиб борилаётган шу каби тадбирлар давомида хотин-қизларнинг турмуш шароитлари яхшиланмоқда.
Туман ҳокимлиги ахборот хизмати 22.04.2021 йил
- Подробности
- Категория: Jamiyatdagi
- Просмотров: 356
Кармана туман адлия бўлими томонидан "Деҳқон" маҳалласида сайёр қабул ташкил этилди.
Туман адлия бўлими томонидан 20 апрель куни туманнинг "Деҳқон" МФЙда сайёр қабул ташкил этилди. Қабулда аҳолининг ички йўлларни таъмирлаш, ичимлик суви ўтказиш, фуқароларнинг бандлигини таъминлаш, банк кредитлари ҳисобига тадбиркорликни амалга ошириш ва бошқа бир қанча масалалар юзасидан мурожаатлари тингланди ҳамда ушбу мурожаатларга жойида ҳуқуқий тушунтириш берилди.
Қабул карантин қоидаларига риоя қилган ҳолда ўтказилди. Шунингдек, қабулда фуқаролар томонидан билдирилган 12 та мурожаат иш юритувига қабул қилиниб, 3 та мурожаат бўйича ҳуқуқий тушунтиришлар берилди.
Хусусан, "Деҳқон" маҳалласида яшовчи 3 нафар фуқаро жорий йил март ойида жамоат ишларига жалб этилганлиги, аммо бугунки кунга қадар иш ҳақи берилмаётганлиги юзасидан қилинган мурожаатлари жойида ўрганилди ва иш ҳақларини ундириш юзасидан чора-тадбирлар белгиланди.
Сўнг, аҳоли учун янги қабул қилинган қонун хужжатлари юзасидан манзилли тарғибот тадбири ҳам ташкил этилди.
Кармана тумани адлия бўлими 21.04.2021 йил
