Подробности

Категория: Jamiyatdagi

Просмотров: 456

Karmana tuman hokimi F.S.Umarovning tuman ahliga yangi yil bayram

TABRIGI

                 Hurmatli, tumandoshlar. Qadrli do‘stlar!

                Betakror diyorimizga yangi – 2022-yil kirib kelmoqda.

Siz azizlarni, mo‘tabar nuroniylarimiz, mehribon opa-singillarimiz, navqiron yoshlarimizni – ko‘p millatli butun xalqimizni ushbu go‘zal ayyom bilan chin qalbimdan tabriklayman.

Barchangizga sihat-salomatlik, tinchlik-xotirjamlik, baxtu saodat va farovonlik tilayman.

Aziz do‘stlar!

Darhaqiqat, bugun tumanimiz markazi va qaysi qishlog‘iga bormang, ertangi kun zavqi bilan yonib yashayotgan, yurt obodligi uchun halol mehnat qilayotgan tumandoshlarimizning yuzu ko‘zlaridan shukronalik tuyg‘ularini ilg‘ash qiyin emas. Eng asosiysi, qo‘lga kiritayotgan ulkan yutuqlarimiz zamirida zahmatkash xalqimizning halol mehnatlari mujassamdir.

Ayniqsa, bugun bor kuch va imkoniyatlarimiz yurtimiz taraqqiyotiga safarbar etilgan bir paytda, amalga oshirilayotgan izchil islohotlar va oqilona siyosat samaradorligi xalqimiz turmush tarzini yangi bosqichga ko‘tarish, aholini ijtimoiy himoya qilish, keksalarimizni qadrlash, eng muhimi, tinchlik-totuvlik, mustaqillikni asrab-avaylash, ozod va obod Vatan barpo etish jabhalarida yaqqol namoyon bo‘lmoqda.

Shuni mamnuniyat bilan alohida ta’kidlash lozimki, ushbu yilda har bir soha bo‘yicha ko‘plab natijalarga erishilib, bunyodkorlik, aholi hayot darajasini yaxshilash va yurt farovonligi yo‘lida muhim ahamiyatga ega bo‘lgan keng ko‘lamli ishlar amalga oshirildi.

Xalqimizning turmush darajasi yaxshilanib bormoqda. Tumanda joriy yilda ko‘plab ijtimoiy soha obyektlarining qad rostlashi, sanoatning jadal suratlar bilan rivojlanayotganligi, tadbirkorlik faoliyatining yanada avj olayotganligi buning yorqin misolidir. Yil davomida tadbirkorlikni faol qo‘llab-quvvatlanishi, turli sohalarda investison dasturlarning hayotga tadbiq etilishi natijasida tumanda sezilarli investitsion muhit yaratildi.

Yangi yilda ham ulkan ezgu ishlarni birgalikda davom ettiramiz. Ko‘zda tutilgan ushbu ishlarning barcha-barchasi, hech shubhasizki, o‘zining mantiqiy yakuniga yetkaziladi, ko‘zlangan maqsadga erishiladi.

               Aziz tumandoshlar!

              Shu go‘zal oqshomda barchamizning niyatimiz, tilagimiz bitta:

yurtimizda yashayotgan har bir oila, har bir inson murod-maqsadiga yetsin!

Jonajon O‘zbekistonimiz gullab-yashnasin, dunyomiz tinch bo‘lsin!

Kirib kelayotgan 2022-yil ona diyorimizga fayzu baraka, yangi yutuq va zafarlar olib kelsin!

Yangi yil barchamizga muborak bo‘lsin!

Подробности

Категория: Jamiyatdagi

Просмотров: 268

      Joriy yilning 23-dekabr kuni Navoiy shahrida bir yo‘la 4 nafar egizak: 3 qiz va 1 o‘g‘il tug‘ildi. Chaqaloqlarning ota-onasi Shomurod Farmonov va Rahima Abdurahmonova Karmana tumanining "Talqoq" mahallasida istiqomat qilishadi. Egizaklarning buvisi bugungi kunda ijtimoiy tarmoqlarda turli xil asossiz maʼlumotlarni o‘qib, oila aʼzolarining dili xira bo‘layotgani va shu yuzasidan o‘z fikrlarini bildirmoqchiligini Karmana tumani axborot xizmatiga maʼlum qildi.

      "Assalomu alaykum hurmatli viloyatdoshlar! Men yaqin kunlarda egizak farzandlarni dunyoga keltirgan qizning onasi bo‘laman. Hozirda ijtimoiy tarmoqlardagi turli xil maʼlumotlarni o‘qib rosti qattik hafa bo‘ldim. Shuni sizlarga aytmoqchimanki, farzandimni 22 xaftaligidan boshlab, perenatal markazida Homiladorlar hastaligi bo‘limida ona va bolani sog‘ligiga jonkuyarlik qilib, 31 haftalikkacha o‘zlarini bor bilim va salohiyatlarini ayamay yordam bergan shifokorlarimiz Namozova Lola, Ubaydullayev Ilhom, muddatidan oldin tug‘ruq bo‘lganligi sababli, shifokorlarimiz kechani-kecha kunduzni-kunduz demay fidokorona burchlarini bajarganliklari uchun perenatal markazi bosh derektori Gapparov Farxod, perenatal markaz bosh Nyantologi Safarov Erkin, chaqaloqlar Reanimatsiyasi bo‘limi boshlig‘i Safarova G. va Reanimatolog shifokor Tuxtayev X. hamda 23-dekabr sanasida navbatchi bo‘lgan barcha shifokorlar, hamshiralar, doyalar, kichik tibbiy xodimlarga qizimni va nabiralarimni hayoti xavf ostida bo‘lishiga qaramasdan fidokorona burchlarini bajarganlari uchun o‘z tashakkurimni va minnatdorchiligimni bildiraman. Hech qachon ularning oq libosiga dog‘ tegmasin, xalqni salomatligi yo‘lida hormay-tolmay ishlashlarini tilab qolaman", deb xabar berildi egizaklarning buvisi tomonidan.

Подробности

Категория: Jamiyatdagi

Просмотров: 281

Аholini ro‘yxatga olishning maqsadi va asosiy vazifalari.

Oʻzbekiston Respublikasi hududida yaxlit va xar bir maʼmuriy-hududiy birlik boʻyicha aniq bir vaqtda yashovchi shaxslarning turli tavsiflari toʻgʻrisida xalqaro taqqoslana oladigan ishonchli, xolis va yaxlit maʼlumotlarni yagona statistik uslublar asosida yigʻish aholini roʻyxatga olishning maqsadi hisoblanadi.

Quyidagilar aholini roʻyxatga olishni oʻtkazishning asosiy vazifalari hisoblanadi:

✅ aholi tarkibidagi global oʻzgarishlarni baholash, demografik siyosatni, aholi sogʻliqini mustahkamlash, ayollar va bolalar ahvolini yaxshilash va oilalarga yordam koʻrsatish chora-tadbirlarini ishlab chiqish uchun axborotlar bazasini kengaytirish;
✅ aholi punktlari va shaharlar infratuzilmasini rivojlantirish, mehnat resurslaridan foydalanish va ularni joylashtirish boʻyicha qisqa, oʻrta va uzoq muddatli prognozlar, dasturlar tayyorlash va indikativ rejalashtirish;

✅ milliy barqaror rivojlanish maqsadlarini shakllantirish va uning amalga oshirilishi ustidan monitoring oʻtkazish;

✅ aholini roʻyxatga olish davrlari oraligʻida aholi soni va tarkibining joriy hisobini yuritish, aholi sonining hisobi va prognozlarini amalga oshirish uchun statistik bazani yaratish;

✅ ijtimoiy-iqtisodiy muammolar boʻyicha ilmiy tadqiqotlarni amalga oshirish.

Подробности

Категория: Jamiyatdagi

Просмотров: 249

Сайёр қабулда суд раислари томонидан 21 нафар фуқаро мурожаатлари қабул қилинди, мурожаатларнинг аксарияти мол-мулк низоси, суд томонидан тайинланган жазоларни камайтириш, имтиёзли пенсияга чиқиш, қарздорликни ундириш, никоҳдан ажратиш ва алимент ундириш юзасидан қилинган мурожаатларни ташкил этади.

Мазкур мурожаатларнинг 10 таси қаноатлантирилган бўлса, 11 таси юзасидан ҳуқуқий маслаҳатлар берилди.

          Бундан ташқари жазоларини виждонан ўтаганлиги, айни вақтда тузалиш йўлига ўтиб, меҳнатга ҳалол муносабатда бўлганлигини инобатга олиб, суд томонидан тайинланган жазони муддатидан илгари шартли озод қилиш юзасидан мурожаат қилган 5 нафар фуқаронинг илтимосномаси қаноатлантирилди ҳамда уларга нисбатан инсонпарварлик тамойили қўлланилиб, жазодан муддатидан илгари шартли озод қилинди.

          Бу ҳам судлар томонидан фуқароларга жамиятда ўз ўринларини топиши ва уларни эзгу мақсадлар сари олға интилишлари, келгусида бу каби қинғир ишларга қўл урмаслиги учун яна бир бор берилаётган имкониятларидан бири ҳисобланади.     

Қабулдан сўнг, суд раислари томонидан  тумандаги дорихона сотувчилари билан улар фаолият юритаётган дорихоналарда "Ноқонуний дорилар савдоси Психотроп моддалар ва кучли таъсир қилувчи дориларни сотиш қонунга хилоф эканлиги, бу борада жавобгарлик масалалари юзасидан соҳа ходимларига ҳуқуқий тушунтиришлар берди.

Сўнгра, судлар фаолиятида замонавий технологияларни кенг жорий этиш бўйича амалга оширилган ислоҳотлар тадбирлар фуқаролар ва тадбиркорлик субъектларига ўз ҳуқуқлари ва манфаатларини ҳимоя қилиш учун судга мурожаат қилишни эркинлаштириш, умуман одил судловга эришишни ошириш ҳамда судлар фаолиятида очиқлик ва шаффофликни таъминлаш имконини берганлиги таъкидланди.

Учрашувда эндиликда судлар фаолиятига “ягона дарча” тартиби жорий этилиши билан боғлиқ ташаббус илгари сурилганлиги борасида сўз юритилди. “Ягона дарча” тартиби 2022 йил январь ойидан бошлаб тадбиқ этилиши режалаштирилаётганлиги, унинг қулайлиги ва афзаллиги қабул қилинган аризалар судга таалуқлилиги бўйича йўналтирилиши яъни, тегишлилиги юзасидан фуқаролик, иқтисодий, жиноий ёки маъмурий судга юбориш чораси кўрилиши борасида тушунтириш берилди.