- Подробности
- Категория: Jamiyatdagi
- Просмотров: 247
Karmana tuman hokimi F.S.Umarovning tuman ahliga yangi yil bayram
TABRIGI
Hurmatli, tumandoshlar. Qadrli do‘stlar!
Betakror diyorimizga yangi – 2023-yil kirib kelmoqda.
Siz azizlarni, mo‘tabar nuroniylarimiz, mehribon opa-singillarimiz, navqiron yoshlarimizni – ko‘p millatli butun xalqimizni ushbu go‘zal ayyom bilan chin qalbimdan tabriklayman.
Barchangizga sihat-salomatlik, tinchlik-xotirjamlik, baxtu saodat va farovonlik tilayman.
Aziz do‘stlar!
Darhaqiqat, bugun tumanimiz markazi va qaysi qishlog‘iga bormang, ertangi kun zavqi bilan yonib yashayotgan, yurt obodligi uchun halol mehnat qilayotgan tumandoshlarimizning yuzu ko‘zlaridan shukronalik tuyg‘ularini ilg‘ash qiyin emas. Eng asosiysi, qo‘lga kiritayotgan ulkan yutuqlarimiz zamirida zahmatkash xalqimizning halol mehnatlari mujassamdir.
Ayniqsa, bugun bor kuch va imkoniyatlarimiz yurtimiz taraqqiyotiga safarbar etilgan bir paytda, amalga oshirilayotgan izchil islohotlar va oqilona siyosat samaradorligi xalqimiz turmush tarzini yangi bosqichga ko‘tarish, aholini ijtimoiy himoya qilish, keksalarimizni qadrlash, eng muhimi, tinchlik-totuvlik, mustaqillikni asrab-avaylash, ozod va obod Vatan barpo etish jabhalarida yaqqol namoyon bo‘lmoqda.
Shuni mamnuniyat bilan alohida ta’kidlash lozimki, ushbu yilda har bir soha bo‘yicha ko‘plab natijalarga erishilib, bunyodkorlik, aholi hayot darajasini yaxshilash va yurt farovonligi yo‘lida muhim ahamiyatga ega bo‘lgan keng ko‘lamli ishlar amalga oshirildi.
Xalqimizning turmush darajasi yaxshilanib bormoqda. Tumanda joriy yilda ko‘plab ijtimoiy soha obyektlarining qad rostlashi, sanoatning jadal suratlar bilan rivojlanayotganligi, tadbirkorlik faoliyatining yanada avj olayotganligi buning yorqin misolidir. Yil davomida tadbirkorlikni faol qo‘llab-quvvatlanishi, turli sohalarda investison dasturlarning hayotga tadbiq etilishi natijasida tumanda sezilarli investitsion muhit yaratildi.
Yangi yilda ham ulkan ezgu ishlarni birgalikda davom ettiramiz. Ko‘zda tutilgan ushbu ishlarning barcha-barchasi, hech shubhasizki, o‘zining mantiqiy yakuniga yetkaziladi, ko‘zlangan maqsadga erishiladi.
Aziz tumandoshlar!
Shu go‘zal oqshomda barchamizning niyatimiz, tilagimiz bitta:
yurtimizda yashayotgan har bir oila, har bir inson murod-maqsadiga yetsin!
Jonajon O‘zbekistonimiz gullab-yashnasin, dunyomiz tinch bo‘lsin!
Kirib kelayotgan 2023-yil ona diyorimizga fayzu baraka, yangi yutuq va zafarlar olib kelsin!
Yangi yil barchamizga muborak bo‘lsin!
- Подробности
- Категория: Jamiyatdagi
- Просмотров: 247
КАРМАНАЛИК ЎҒЛОН ЖАҲОН ЧЕМПИОНИ БЎЛДИ
Жорий йилнинг 23-28-ноябрь кунлари Ҳиндистон давлатининг Пуна шаҳрида катталар ўртасида бўлиб ўтган спортнинг кураш тури бўйича 13 - жаҳон чемпионатида Карманалик Эсанов Умид Мансур ўғли иштирок этиб, мутлоқ ғолибликни қўлга киритган ҳолда жаҳон чемпиони бўлди.
Бугун Кармана туманидаги Сардоба маҳалласида жаҳон чемпионини кутиб олиш маросими бўлиб ўтди. Ушбу тадбирда туман ҳокимлиги масъуллари, мутасадди ташкилот раҳбарлари ҳамда туман аҳли иштирок этишди.
Карманалик чемпион ўғлонга келгусида бунданда катта ютуқларга эришган ҳолда юртимиз байроғини чўққиларга кўтаришида омад ва зафарлар тилаб қоламиз.
- Подробности
- Категория: Jamiyatdagi
- Просмотров: 235
XUSHXABAR
Respublika shoshilinch tibbiy xizmatni rivojlantirish yo‘nalishi bo‘yicha Karmana tuman tibbiyot birlashmasiga Osiyo taraqqiyot banki homiyligida Germaniyaning Karl Shtors firmasi tomonidan ishlab chiqilgan, zamonaviy, yuqori texnologiyali murakkab operatsiyalarni o‘tkazish imkoniyatiga ega, qiymati 70 ming AQSH dollarini tashkil etuvchi Laparoskop apparati keltirildi.
Ushbu Laparoskop apparatning afzallik tomonlari va imkoniyatlari shundan iboratki, ilgarilari jarohatli, kesish yo‘li bilan amalga oshirilgan operatsiyalar endilikda kesilmasdan, kichik jarrohlik amaliyoti yo‘nalishida o‘tkaziladi, monitor ichki organlarni 15 marta kattalashtirib ko‘rsatish xususiyatiga ega, reabilitatsiya davri qisqaradi, bemorga 2-kundan boshlab yurishga ruxsat beriladi. Operatsiya jarayonini bevosita monitorda kuzatish mumkin.
- Подробности
- Категория: Jamiyatdagi
- Просмотров: 258
КАРМАНАЛИК ЁШЛАР БЕШ ТАШАББУС ОЛИМПИАДАСИНИНГ РЕСПУБЛИКА БОСҚИЧИ СОВРИНДОРЛАРИ БЎЛДИЛАР
Айни кунларда "Беш ташаббус олимпиадаси"нинг Республика босқичи қизғин паллага кириб, ғолиб спортчилар аниқланмоқда. Ушбу мусобақаларда Карманалик ёшлар ҳам муносиб иштирок этиб, совриндорлар қаторидан жой олмоқдалар. Жумладан, Кармана тумани Шибзон маҳалласининг ёшлари Ўктамова Юлдуз, Исмоилова Дилбар ва Болтаева Мунисалар "Беш ташаббус олимпиадаси"нинг 22-26 ёш тоифасида спортнинг “Енгил атлетика” тури бўйича жамоавий йўналишда қиз болалар ўртасида фахрли 2-ўринни қўлга киритдилар.
Шунингдек, Аллон маҳалласининг ёшлари Пардаев Шахзод, Жалилов Жамшид ва Ҳалимов Достонлар "Беш ташаббус олимпиадаси"нинг 22-26 ёш тоифасида спортнинг “Енгил атлетика” тури бўйича жамоавий йўналишда ўғил болалар ўртасида 3-ўринни эгалладилар.
- Подробности
- Категория: Jamiyatdagi
- Просмотров: 257
Кармана туманида ҳоким ёрдамчилари янги иш ўринларини яратиш бўйича доимий равишда мониторинг қилиб борилиши бўйича МАЪЛУМОТ
