- Подробности
- Категория: Jamiyatdagi
- Просмотров: 390
САЙЁР ҚАБУЛЛАР ДАВОМ ЭТМОҚДА
Ўзбекистон Республикаси Президентининг 2019 йил 8 январдаги “Ҳудудларни комплекс ижтимоий-иқтисодий ривожлантириш бўйича секторлар фаолиятини янада такомиллаштиришга доир қўшимча чора-тадбирлар тўғрисида”ги қарори ижросини таъминлаш мақсадида барча сектор раҳбарлари томонидан тумандаги аҳолининг ижтимоий-иқтисодий аҳволини ўрганиш, мавжуд муаммоларга ижобий ечим топиш мақсадида жойларда кўплаб сайёр қабуллар ўтказилмоқда.
Ана шундай сайёр қабуллардан навбатдагиси 4-сектор раҳбари, Кармана туман давлат солиқ инспекцияси бошлиғи Орзимурод Умаров ташаббуси билан “Бешкент” маҳалласида бўлиб ўтди. Учрашув аввалида сектор раҳбари О.Умаров, Ўзбекистон Республикаси Президентининг Халқ қабулхонаси туман бўлими мудири И.Ёдгоровлар пандемия вақтида шахсий гигиена қоидаларига, карантин тартибларига риоя этиш, касаллик юқтириб олишдан сақланиш, шунингдек, тўй ва маросимларни белгиланган тартибда ўтказиш бўйича қисқача гапириб ўтишди. Шундан сўнг аҳоли томонидан ички йўлларни таъмирлаш, тадбиркорликни йўлга қўйиш, кредит маблағлари ажратиш ва аҳоли бандлигини таъминлаш каби масалалар бўйича билдирилган мурожаатлар тингланди. Мазкур мурожаатларнинг асосий қисмига қабул жараёнида ижобий ечим топилди. Шу билан биргаликда бажарилишига вақт талаб қилинадиган муаммо ва таклифлар тегишли масъуллар томонидан назоратга олинди.
Туман ҳокимлиги Ахборот хизмати
12.10.2020 йил
- Подробности
- Категория: Jamiyatdagi
- Просмотров: 396
КАРМАНА ТУМАН КЕНГАШИНИНГ НАВБАТДАГИ XIV СЕССИЯСИ
Туман ҳокимлигининг мажлислар залида Халқ депутатлари Кармана тумани Кенгашининг ўн тўртинчи сессияси бўлиб ўтди.
Сессия кун тартибида дастлаб Президентимиз раҳбарлигида жорий йил 24 сентябрь куни бўлиб ўтган видеоселектор йиғилишида ҳудудларни ижтимоий-иқтисодий ривожланиш даражасини баҳолашнинг рейтинг кўрсаткичлари натижасига кўра Кармана тумани “сариқ туман” деб баҳоланишининг сабаблари ҳақида туман ҳокимининг ҳисоботи тингланди. Туман ҳокими ҳудудни ижтимоий-иқтисодий ривожлантириш бўйича амалга оширилган ишларни айтиб ўтар экан, пировардида йўл қўйилган камчиликларни бартараф этишга қаратилган “Йўл харитаси” билан ҳам таништириб ўтди. Шунингдек, йил якунига қадар туманни “яшил туман”га айлантириш бўйича имкониятлар кўплиги, фақатгина ушбу имкониятлардан самарали фойдаланиш бўйича тизимли ишлаш зарурлигини таъкидлаб ўтди.
Кун тартибидаги ушбу масала юзасидан туман ҳокими ўринбосарлари ва сектор раҳбарлари томонидан билдирилган истиқболдаги амалга оширилиши лозим бўлган режа-таклифлар ҳам тингланди.
Сессия ишида Кармана туманида миллий маданий марказларни ривожлантириш, мажбурий меҳнатни олдини олиш, аҳоли бандлигини таъминлаш ва кам таъминланган оилаларни ижтимоий қўллаб – қувватлаш каби масалалар ҳам депутатлар иштирокида кенг муҳокама қилинди.
Сессияда Ўзбекистон Республикаси Олий Мажлис Сенати аъзоси Ж.Ҳаджаев иштирок этди ва сўзга чиқди.
Сессия якунида кун тартибида кўриб чиқилган барча масалалар юзасидан тегишли қарорлар қабул қилинди.
Кармана туман ҳокимлиги Ахборот хизмати
7.10.2020 йил
- Подробности
- Категория: Jamiyatdagi
- Просмотров: 370
ЭҲТИЁЖМАНДЛАР ҲОЛИДАН ХАБАР ОЛИНДИ
Кармана туман ҳокими Ф.Умаров ва ҳуқуқ-тартибот идоралари вакиллари биргаликда тумандаги кам таъминланган, ижтимоий ёрдамга муҳтож фуқаролар хонадонларига ташриф буюрди.
Фуқароларни яшаш шароитлари билан танишиб, моддий ёрдам, соғлигини тиклашда даволанишлари учун имтиёзлар ва турли хил озиқ-овқат махсулотлари улашилди.
Туман ҳокимлиги Ахборот хизмати
2.10.2020 йил
- Подробности
- Категория: Jamiyatdagi
- Просмотров: 397
Ёғ, шакар, тухумнинг нархи ошганлиги сабаблари ўрганилди
Ўзбекистон Республикаси Монополияга қарши курашиш қўмитаси томонидан ички бозордаги асосий турдаги истеъмол товарларининг чакана нархлари доимий равишда мониторинг қилиб борилмоқда.
Монополияга қарши курашиш қўмитаси матбуот хизмати маълум қилишича, сентябрь ойининг охирги ўн кунлигида ички бозорлардаги айрим турдаги истеъмол товарлари нархларининг ошиши кузатилди.
Хусусан, кунгабоқар ёғининг чакана нархи сентябрь ойининг бошига нисбатан 11 500 сўмдан 15 000 сўмга (ўсиш 30 фоиз), шакар маҳсулотининг нархи 6 000 сўмдан 7 000 сўмга (ўсиш 15 фоиз) ҳамда парранда тухуми нархи 1000 сўмдан 1300 сўмга (ўсиш 30 фоиз) ошган.
Ушбу истеъмол товарлари нархлари ошиши сабаблари қуйидагича изоҳланади.
- Подробности
- Категория: Jamiyatdagi
- Просмотров: 377
“Кармана Деҳқон Бозори”да нарх-навони барқарорлиги ўрганилди
Бугун 2 октябрь куни Кармана туман ҳокими Ф.Умаров навбатдаги ташрифи билан “Кармана Деҳқон Бозори”да бўлиб, бозор маъмурияти томонидан олиб борилаётган ишлар, харидор ва сотувчилар учун яратилган шарт-шароитлар билан яқиндан танишди.
Туманда озиқ-овқат махсулотларининг 90 фоизи қишлоқ хўжалиги соҳасида етиштирилиши ҳаммамизга маълум. Айни вақтда ҳам маҳаллий деҳқонларимиз томонидан бозор расталари қишлоқ хўжалиги махсулотлари билан лимо-лим тўлдирилиб, аҳоли истеъмолига бўлган эҳтиёж барқарорлиги таъминланмоқда.
Бозордаги нарх-наволар мутаносиблиги ҳам ҳокимнинг диққат марказида бўлди. Хусусан, арзонлаштирилган озиқ-овқат масҳулотлари ярмаркасида аҳоли учун ҳамёнбоп нархларни таъминланиши ва нарх-навони сунъий кўтармаслик, барқарор ушлаб туриш юзасидан кўрсатмалар берди.
Жараёнда дуч келинган айрим камчилик ва эътиборталаб масалалар юзасидан мутасаддиларга аниқ ва муддатли топшириқлар берилди.
Туман ҳокимлиги Ахборот хизмати
2.10.2020 йил
