Подробности

Категория: Jamiyatdagi

Просмотров: 273

TASHQI REKLAMALARNI JOYLASHTIRISH TALABLARIGA RIOYA QILISH ZARUR

Tuman hokimligining ishchi guruhi tomonidan tumandagi tashqi yozuvlar, jumladan, lavhalar, e’lonlar, reklama va ko‘rgazmali axborot matnlarining “Davlat tili haqida”gi Qonun hujjatlariga muvofiqligi o‘rganildi.
O‘rganishlar davomida “Davlat tili haqida”gi Qonunning 20-moddasiga to‘g‘ri kelmaydigan hamda yaroqsiz holatga kelib qolgan 30 dan ortiq lavhalar, e’lon va boshqa axborot matnlari olib tashlandi.
Shuningdek, tadbirkorlik subyektlariga reklama vositalarini qonunga muvofiq joylashtirish lozimligi haqida tushuntirish ishlari olib borildi.
Bu kabi o‘rganishlar tumanda muntazam ravishda olib borilmoqda.

Tuman hokimligi axborot xizmati 11.08.2021 yil

Подробности

Категория: Jamiyatdagi

Просмотров: 278

НУРОНИЙЛАРГА ЭҲТИРОМ КЎРСАТИЛДИ

Бугун, эрта тонгда вилоят марказида жойлашган “Алишер Навоий” номидаги маданият ва истироҳат боғида Навоий шаҳри ва Кармана туманида истиқомат қилаётган Ватанимиз тараққиётига ўз ҳиссасини қўшиб, эндиликда кексалик гаштини сураётган нуронийлар билан учрашув ташкил қилинди.
“Қариси бор уйнинг париси бор”, дейдилар. Зеро, кексалари бор хонадонда қувонч, файзу барака, хотиржамлик бўлади. Кексаларга эҳтиром, эътибор ва ғамхўрлик кўрсатиш асрлар оша яшаб келаётган боқий қадрятларимиздан саналади.
Ёши улуғ инсонларни қадрлаш, ижтимоий ҳимоя қилиш, уларнинг бой ҳаётий тажрибаларидан кенг фойдаланишни ташкил этиш каби эзгу мақсадларни ўзида мужассам этган тадбир кечасида Навоий вилоят ҳокими Қобул Турсунов, нуронийларга вилоятимиз аҳолиси номидан ҳурмат ва эҳтиромини ўз табрик сўзи орқали изҳор этди.
Тадбир давомида бир қатор санъаткорлар нуронийларимиз учун дилтортар тароналардан сараланган концерт дастурини арғумон этишди. Нуронийлар шундай дориламон кунларга шукрона айтиб, ўзларига кўрсатилаётган иззат, эҳтиром учун Юртбошимизга миннатдорчилик билдирдилар.
Истиқлолимизнинг шонли 30 йиллиги олдидан бу каби тадбирлар уюшқоқлик билан давом этмоқда.

Туман ҳокимлиги ахборот хизмати 5.08.2021 йил

Подробности

Категория: Jamiyatdagi

Просмотров: 255

ҲАР БИР МУРОЖААТ ЭЪТИБОРДА

Кармана туман ҳокими ўринбосарлари Т.Уринов, Э.Кенжаев ва Ғ.Жумаевлар ҳамроҳлигида туман марказидан олис ҳудуд ҳисобланган Малик маҳалла фуқаролар йиғини аҳолисини ўйлантираётган муаммолари юзасидан сайёр қабули ташкил этилди.
Қабул жараёнида тумандаги корхона, ташкилот раҳбарлари ва тегишли масъул мутусаддилар иштирокида фуқароларнинг ҳар бир мурожаатларига алоҳида эътибор қаратилди.
Очиқ ва самимий мулоқот тарзида кечган қабулда уй-жойга эга бўлиш, моддий ёрдам, электр энергияси, кредит, ишга жойлашиш ва бошқа масалаларга оид мурожаатлар келиб тушди.

Қабул давомида ҳар бир мурожаат раҳбарлар томонидан алоҳида назоратга олиниб, уларни ҳал этиш бўйича чора-тадбирлар белгиланди.

Туман ҳокимлиги ахборот хизмати 7.08.2021 йил

Подробности

Категория: Jamiyatdagi

Просмотров: 268

“DO’STLIK” MAHALLASIDA SAYYOR QABUL

Bugun Karmana tuman hokimi F.Umarov navbatdagi sayyor qabuli davomida “Do’stlik” mahalla fuqarolar yig’ini aholisini murojaatlarini o‘rgandi.

Karantin qoidalariga rioya qilingan holda o‘tkazilgan qabul jarayonida o’ttizga yaqin murojaat tushgan bo‘lsa, aksariyat masalalar joyida hal etildi.

Qabul jarayonida asosan fuqarolarning salomatligini tiklashda moddiy ko‘mak, imtiyozli uy-joy olish, kredit, ichki yo’llarni ta’mirlash va boshqa bir qator masalalarida murojaatlari o’rganildi.

Tuman hokimligi axborot xizmati 3.08.2021 yil