Карманада қиймати 100 миллион АҚШ долларлик инвестиция лойиҳасини амалга оширилади
Ўзбекистон Республикаси Бош вазирининг биринчи ўринбосари Раматов Ачилбай Джуманиязович ва Ўзбекистон Республикаси Энергетика вазири Султанов Алишер Саидаббасовичлар Кармана туманига ташриф буюрди.
Ачилбай Раматов ва Алишер Султановлар иштироки билан Кармана тумани ҳудудида қурилиши режалаштирилган қиймати 100 миллион АҚШ долларлик, “Навоий вилоятида қуввати 100 МВт бўлган фотоэлектрик станцияни қуриш” инвестиция лойиҳасини амалга ошириш жараёнлари кўздан кечирилди.
Шунингдек, қурувчи ташкилот Хитой давлатининг “SEPKO III” компанияси вакиллари иштирокида лойиҳани қурилиш ишлари бошланиши олдидан жойига чиқиб ўрганлди.
Туман ҳокимлиги ахборот хизмати
10.08.2020 йил
