САЛОМАТЛИК САРИ 5000 ҚАДАМ

Маълумки, юриш барча спорт турлари орасида энг осони ва қулайидир. Бунинг учун жуда кўп энергия сарфлашнинг ҳожати йўқ, ижобий таъсири эса жуда юқори. Мутахассисларнинг маълум қилишича, ҳафтада атиги 2,5 соатлик жисмоний фаоллик эрта ўлим ҳолатларини 28 фоизга, юрак касалликлари эҳтимолини эса 20 фоизга камайтирар экан. Яъни, ҳафтада камида 150 дақиқа жисмоний фаол бўлган инсонлар камроқ ҳаракатланадиганларга қараганда соғломроқ экан.

Бугун Кармана туман “Янги авлод” истироҳат боғида “Саломатлик учун беш минг қадам” акцияси туман ҳокимлиги ташаббуси билан туман ИИБ ҳамкорлигида ташкил этилди.

Ушбу аҳоли ўртасида соғлом турмуш тарзини тарғиб қилишга қаратилган “5 минг қадам” акциясида ёшу-кексалар бирдек соғлом ҳаёт тарзини тарғиб этаётгани ва марафонда жисмоний фаоллик кўрсатаётгани барчамизни қувонтирди.

Туман ҳокимлиги Ахборот хизмати
3.10.2020 йил