123321Ўзбекистон Республикаси Президентининг Олий Мажлисга ва халқимизга мурожаати юзасидан муносабат

2021 йил Янги Ўзбекистон ёшлари учун масъулиятли йил бўлади.

Муҳтарам Президентимизнинг Олий Мажлисга ва халқимизга қилган мурожаатномаларини Юртимизнинг бахтли фарзанди сифатида мен ҳам ўзгача ғурур ва ифтихор билан тингладим. Аввалгиларини такрорламас, 40 дан ортиқ соҳаларни ўзида қамраб олган ушбу мурожаатнома, яна бир бор ёшлар сиёсати давлат сиёсати даражасида эканлигини билдирди. Янги 2021 йилнинг “Ёшларни қўллаб-қувватлаш ва аҳоли саломатлигини мустаҳкамлаш” йили деб эълон қилинганлиги ва мурожаатномада Президентимиз томонидан ушбу йилда том маънода дастуриламал қилиб илгари сурилган ташаббуслар, айниқса, биз ёшларни янада масъулиятли бўлишга ундайди.


Жумладан, мурожаатномада ёшларнинг иқтидори ва салоҳиятини тўғри йўналтиришга қаратилган тизим яратилиши, юртимизда 10 та Президент мактаби, кимё-биология, математика, ахборот технологияларига ихтисослашган 197 та мактаб ўз фаолиятини бошлаши, шунингдек, кейинги йилдан бошлаб, олий таълимга ажратиладиган давлат грантлари сони камида 25 фоизга оширилиши, айниқса мамлакатимиз тарихида илк бор эҳтиёжманд оилаларнинг мингга яқин ўғил-қизлари олий ўқув юртларига алоҳида давлат грантлари асасида қабул қилинганлиги ёшларимизнинг билим олиши, таълим тарбияси ва эртанги кунига қаратилган аниқ мақсад кўзланганлигини англатади.
Президентимиз таъбири билан айтганда, ҳар қандай жамият тараққиётида унинг келажагини таъминлайдиган ёш авлоднинг соғлом ва баркамол бўлиб вояга етиши ҳал қилувчи ўрин тутади, албатта. Шунинг учун ҳам биз ёшлар мамлакатимизда амалга оширилаётган кенг кўламли ислоҳотлар самарасини янада оширишда ҳар томонлама етук, замонавий билим ва ҳунарларни пухта эгаллашимиз лозим.
Албатта, мурожаатномада билдирилган ташаббусларнинг барчаси айнан келажак авлод эгаларига қаратилганлиги, ёшлардан катта масъулият талаб этади. Чунки, қаратилаётган эътибор ва берилаётган имконияга ёшларимизнинг муносабати, дахлдорлик туйғуси бўлиши ва албатта, масъулиятли йилда ёшлар барча соҳаларда юрт равнақи йўлида ўзининг ҳиссасини қўшадиган даражада ютуқ ва муваффаққиятлар билан жавоб қайтариши лозим.
Ишонаманки, биз ёшлар яратилаётган чексиз имкониятлар даврида, Янги Ўзбекистоннинг бахтли фарзандлари сифатида бутун имконият ва салоҳиятимизни аямасдан, ташаббус ва янги ғояларни илгари сурган ҳолда, мамлакатимизда Учинчи Ренессанс пойдеворини барпо этишдек улкан мақсад сари бошланган ислоҳотларда фаоллик кўрсатиб, икки карра шижоат ва ғайрат билан олдимизга қўйган мақсад ва марраларни эгаллаймиз. Бу йўлда давлатимиз раҳбарининг юксак эътибор ва ишончи биз ёшларга мустаҳкам таянч ва суянч вазифасини ўтайди.

Беҳзод САВУРОВ
Олий Мажлис Сенати ҳузуридаги Ёшлар Парламенти аъзоси
Халқ депутатлари Кармана туман Кенгаши депутати
4.01.2020 йил