Кармана тумани ҳокимининг ҚАРОРИ

ТУМАНДАГИ ҚИШЛОҚ ХЎЖАЛИГИ ВА МЕЛИОРАТИВ ТЕХНИКАНИ, ШУНИНГДЕК МАШИНА-ТРАКТОР ПАРКЛАРИ, УСТАХОНАЛАР ВА СЕРВИС ПУНКТЛАРИНИНГ АСБОБ-УСКУНАЛАРИНИ ТЕХНИК КЎРИКДАН ЎТКАЗИШ ТЎҒРИСИДА

Ўзбекистон Республикаси Вазирлар Махкамасининг 2012 йил 6 декабрдаги 345-сонли “Қишлоқ хўжалиги ва мелиоратив техникани, асбоб-ускунапарни хисобга олиш ва уларнинг техник холатини назорат қилиш тизимини такомиллаштириш чора-тадбирлари тўғрисида”ги қарори (Ўзбекистон Республикаси Қонун ҳужжатлари тўплами, 2012 йил, 50-сон, 559-модда, 2016 й., 17-сон, 176-модда) ва Ўзбекистон Республикаси Қишлоқ ва сув хўжалиги вазирининг 2013 йил 2 апрелдаги 58-сон буйруғи билан тасдиқланган “Қишлоқ хўжалиги ва мелиоратив техникани, шунингдек машина-трактор парклари, устахоналар ва сервис пунктларининг асбоб-ускуналарини техник кўрикдан ўтказиш тартиби тўғрисида”ги Низом (руйхат рақами 2452, 25.04.2013 йил,Ўзбекистон Республикаси қонун хужжатлари тўплами, 2013 йил, 17-сон, 229-модда) ижросини таъминлаш мақсадида Ўзбекистон Республикасининг “Махаллий давлат хокимияти тўғрисида”ги Конунининг 6-моддасига асосан

ҚАРОР ҚИЛАМАН:

  1. Тумандаги қишлоқ хўжалиги ва мелиоратив техникани, шунингдек машина-трактор парклари, устахоналар ва сервис пунктларининг асбоб-ускуналарини техник курикдан ўтказиш иш режаси 1-иловага мувофиқ, техник кўрикдан ўтказиш буйича туман комиссияси таркиби 2-иловага мувофиқ тасдиқлансин.
  2. “Давтехназорат” инспекциясининг қишлок хўжалиги техникаси буйича туман давлат инспектори (Б.Жалолов)га:

техникага мулк хуқуқи асосида эга шахслар (мулкдор)га техникаларини техник кўрикдан ўтказиш тўғрисидаги билдиришномани техник кўрик ўтказиш кунидан камида ўттиз кун олдин юбориш;

техник кўрикдан ўтмаган ёки техник кўрикка такдим этмаган техникалар юзасидан ёзма кўрсатма бериш;

мулкдор кўрсатмада белгиланган муддатда техникани қайта техник кўрикдан ўтказмаган тақдирда ҳамда қишлоқ хўжалиги мелиоратив техника, асбоб-ускуналардан эҳтиётсизлик билан фойдаланиш, сақлаш, ҳисобдан чиқариш, таъмирлаш, техника хизматлари кўрсатиш ҳолатлари хақидаги маълумотларни қонун хужжатларида белгиланган тартибда тегишли чораларни кўриш учун туман ҳокимлигига юбориш;

техник кўрикдан ўтказилганлиги учун йиғим ундирилишида Ўзбекистон Республикаси Вазирлар Маҳкамасининг 2012 йил 6 декабрдаги “Қишлоқ хўжалиги ва мелиоратив техникани, асбоб-ускуналарни ҳисобга олиш ва уларнинг техник ҳолати ни назорат қилиш тизимини такомиллаштириш чора-тадбирлари тўғрисида”ги 345-сон қарори ҳамда Ўзбекистан Республикаси Қишлоқ ва сув хўжалиги вазирининг 2013 йил 2 апрелдаги 58-сон буйруғи билан тасдиқланган “Қишлоқ хўжалиги ва мелиоратив техникани, шунингдек, машина-трактор парклари, устахоналар ва сервис пунктларининг асбоб-ускуналарини техник кўрикдан ўтказиш тартиби тўғрисида”ги Низомда белгиланган миқдорларга қатьий риоя қилиш топширилсин.

  1. Мазкур қарор “Кармана овози” газетасида расман эълон қилинсин ҳамда туман ҳокимлигининг расмий веб-сайтига жойлаштирилсин.
  2. Ушбу қарор ижросини назорат қилишни уз зиммамда қолдираман
  3. Мазкур қарор расмий эълон қилинган кундан эътиборан кучга киради.

Туман ҳокими Ф. УМАРОВ

28 февраль   № Қ-260